Вы тут

На могiлках павiнен быць парадак


Бо гэта не толькi частка важнага вясновага добраўпарадкавання, але i наша стаўленне да тых, каго з намi сёння няма. Падчас сваёй паездкi па Магiлёўскiм раёне член Савета Рэспублiкi, прарэктар МДУ iмя А. Куляшова Алег Дзячэнка звярнуў увагу на тое, у якiм стане знаходзяцца сёння грамадзянскiя i воiнскiя пахаваннi.


— Для мяне вельмi важна ведаць, чым дыхае раён, якiя ёсць магчымасцi i ўмовы для яго развiцця, якiя iснуюць праблемы, — кажа парламентарый. — Могiлкi — гэта якраз адно з балючых месцаў, тое, што патрабуе ад нас больш пiльнай увагi. Пытанне добраўпарадкавання гэтых месцаў знаходзiцца на асабiстым кантролi старшынь сельсаветаў. На жаль, насельнiцтва не вельмi ахвотна далучаецца да гэтай адказнасцi. Хоць на грамадзянскiх могiлках, як вядома, чужых, не знаёмых вяскоўцам людзей не хавалi. Iншая рэч, што вёскi вымiраюць, а могiлкi застаюцца. I наш доўг — не пакiдаць гэтыя месцы смутку без нагляду.

— Асаблiвай увагi патрабуюць менавiта воiнскiя пахаваннi, — адзначае Алег Вiктаравiч. — Звесткi аб месцах пахаванняў удзельнiкаў партызанскага руху, ваеннаслужачых Чырвонай Армii, якiя загiнулi i пахаваны на тэрыторыi Магiлёўскага раёна, часта недакладныя. Напрыклад, ураджэнец Магiлёўскага раёна, лейтэнант 113-га партызанскага палка Цiмафей Медзякоў, якi трагiчна загiнуў у кастрычнiку 1943 года, паводле афiцыйных звестак пахаваны ў... трох месцах: брацкай магiле ў вёсцы Майшчына Семукацкага сельсавета, брацкай магiле ў вёсцы Калiноўка Цяхцiнскага сельсавета Бялынiцкага раёна i ў адзiночнай магiле на грамадзянскiх могiлках у вёсцы Барок Лебядзянкаўскага сельсавета Бялынiцкага раёна. Апошняе пахаванне, дарэчы, i з'яўляецца рэальным. Наша задача — максiмальна лiквiдаваць гэтыя недакладнасцi i ўвекавечыць памяць герояў Вялiкай Айчыннай вайны. Гэта адзiн з прыярытэтных кiрункаў нашай грамадска-палiтычнай дзейнасцi.

Нэлi ЗIГУЛЯ

Прэв'ю: schanych-85.livejournal.com

Выбар рэдакцыі

Грамадства

Галiна Левіна: Помнiк — не канструктар i не чарцёж, яго трэба перажыць, выпакутаваць

Галiна Левіна: Помнiк — не канструктар i не чарцёж, яго трэба перажыць, выпакутаваць

У архiтэктара Галiны Левiнай — Хатынь, творчая спадчына яе бацькi.

Грамадства

Прэмiя прыгажосцi. Дзеля чаго людзi кладуцца пад нож пластычнага хiрурга?

Прэмiя прыгажосцi. Дзеля чаго людзi кладуцца пад нож пластычнага хiрурга?

Як сведчаць шматлiкiя даследаваннi, прывабным людзям прасцей прабiцца ў жыццi i яны дасягаюць у кар'еры большага поспеху. 

У свеце

Як Еўропа аднаўляецца ад кавiднага ўдару?

Як Еўропа аднаўляецца ад кавiднага ўдару?

Сёлета еўрапейская эканомiка будзе перажываць глыбокую рэцэсiю з-за ўспышкi каранавiруса, нягледзячы на хуткiя i ўсёабдымныя антыкрызiсныя меры як на саюзным, так i на нацыянальным узроўнi.

Эканоміка

Тонкае мастацтва дабрабыту. Складаем сямейны бюджэт разам са спецыялістам Нацбанка

Тонкае мастацтва дабрабыту. Складаем сямейны бюджэт разам са спецыялістам Нацбанка

2020 год паставіў усіх нас перад неабходнасцю дакладна планаваць свае выдаткі.