Вы тут

Сяргей Сiвец правёў асабiсты прыём грамадзян


Старшыня Пастаяннай камiсii Савета Рэспублiкi Нацыянальнага сходу па заканадаўстве i дзяржаўным будаўнiцтве Сяргей Сiвец правёў асабiсты прыём грамадзян.


Прыём у значнай ступенi аказаўся тэматычны. Каторы раз звароты ў асноўным былi па зямельным пытаннi, якое ўжо нагнала аскомы. Людзi прыйшлi са скаргамi на неправамерныя, на iх погляд, дзеяннi органаў мясцовай улады, выканкамаў пасялковых i сельскiх Саветаў, райвыканкамаў i раённых службаў, на фармалiзм i абыякавасць iх супрацоўнiкаў пры вырашэннi надзённых i зусiм нескладаных пытанняў i праблем выкарыстання зямельных участкаў. Прасiлi дапамагчы, бо iсцi ўжо больш няма куды.

Напрыклад, мiнчанiн Мiкалай Мiкалаевiч пасля выхаду на пенсiю набыў домiк у вёсцы Уздзенскага раёна. Разгарнуў там бурную гаспадарчую дзейнасць: ён i пчалавод, i садавод, i агароднiк. Усё нiбыта нiчога, але зямельныя спрэчкi i непаразуменнi атручваюць жыццё. I, што асаблiва крыўдна пенсiянеру, мясцовыя ўлады замест падтрымкi ставяцца да яго праблем насцярожана. Праўду Мiкалай Мiкалаевiч шукае ў судах. Пакуль не знайшоў, але запэўнiў Сяргея Сiўца: падрыхтаваў некалькi судовых iскаў i не супакоiцца, пакуль не вырашыць пытанне.

Дзве жанчыны сталага ўзросту прыехалi на прыём са Слуцкага раёна. Жыццёвыя гiсторыi ў iх нiбыта розныя, але па сутнасцi яны зводзяцца да аднаго: дапамажыце ў спрэчках i канфлiктах па зямельных пытаннях, бо мясцовыя чыноўнiкi робяць выгляд, што слухаюць, а на самай справе не ўнiкаюць у сутнасць iх лiстоў i скаргаў. Таму i прыехалi на прыём.

Старшыня Пастаяннай камiсii пракаментаваў вынiкi прыёму карэспандэнту «МС». Па яго словах, просьбы i пажаданнi, якiя ўтрымлiваюцца ў сённяшнiх зваротах, будуць вырашаны ў прававым полi ў межах кампетэнцыi Савета Рэспублiкi.

Мы спыталi, на якiя ўвогуле думкi яго як юрыста з вялiкiм досведам наводзяць прыёмы грамадзян i прамыя тэлефонныя лiнii, аналiз сёлетнiх зваротаў у Пастаянную камiсiю Савета Рэспублiкi.

Сяргей Сiвец адзначыў, што ўсе формы работы з грамадзянамi: прамыя тэлефонныя лiнii, асабiстыя прыёмы, пiсьмовыя i электронныя звароты людзей у верхнюю палату парламента — гэта эфектыўны iнструмент непасрэднай дэмакратыi, вынiк рэалiзацыi артыкулаў 37 i 40 Канстытуцыi Рэспублiкi Беларусь. Гэтыя артыкулы — нормы прамога дзеяння. Людзi праз свае звароты ў Савет Рэспублiкi, праз канкрэтныя прапановы па ўдасканаленнi дзеючага заканадаўства, нават няхай i праз скаргi, рэалiзуюць сваё права ўдзельнiчаць у кiраваннi дзяржавай.

— Задавальняе тое, што ў нашым дзеючым заканадаўстве няма крытычных прабелаў, iстотных недахопаў. У прынцыпе яно сучаснае, апрабавана на практыцы i з'яўляецца комплексным i сiстэмным рэгулятарам, — кажа Сяргей Сiвец. На яго погляд, асноўныя праблемы ўзнiкаюць на ўзроўнi правапрымянення. I тут не апошнюю ролю адыгрывае чалавечы фактар: фармальны падыход да вырашэння канкрэтнай праблемы асобнага грамадзянiна, нядобрасумленнае выкананне службовых абавязкаў. I пакуль мы не пазбавiмся чэрствасцi ў адносiнах да людзей, падобныя скаргi ў рэспублiканскiя органы ўлады будуць працягвацца, хоць пераважную долю такiх зваротаў трэба вырашаць на месцах. Прычым гэта можна рабiць без асаблiвых намаганняў у межах паўнамоцтваў органаў мясцовай улады, упэўнены парламентарый.

Леанiд Лахманенка

Загаловак у газеце: Эфектыўны iнструмент дэмакратыi

Выбар рэдакцыі

Грамадства

Як шматдзетная сям’я будуе жыллё з дапамогай дзяржаўнай субсідыі

Як шматдзетная сям’я будуе жыллё з дапамогай дзяржаўнай субсідыі

Святлана, шматдзетная мама з вёскі Чарнаўчыцы, што пад Брэстам, падзялілася гісторыяй іх сям'і і дома.

Грамадства

Камень Узнясення, «Стопачка» і «Руская свечка». Што паглядзець у Іерусаліме?

Камень Узнясення, «Стопачка» і «Руская свечка». Што паглядзець у Іерусаліме?

Аўтобусы з паломнікамі і турыстамі ніколі не праязджаюць міма гэтых знакавых, і не толькі для хрысціян, святынь. 

Грамадства

Справа для народных мсцiўцаў. Пра партызанскiя аперацыi — з першых вуснаў

Справа для народных мсцiўцаў. Пра партызанскiя аперацыi — з першых вуснаў

Цяпер, калi пасля вайны мiнула столькi гадоў, каштоўнасць аповеду яе жывых сведак толькi павышаецца.