Вы тут

Iнтарэсы выбаршчыкаў — i за мяжой таксама


У дзеючым склiканнi Палаты прадстаўнiкоў рабочыя групы па супрацоўнiцтве з парламентамi замежных дзяржаў упершыню фармiравалiся па рэгiянальным прынцыпе. Гэта сведчыць пра рост значнасцi парламенцкай дыпламатыi. Дэпутаты на мiжнародных пляцоўках i ў кантактах з замежнымi калегамi будуць не толькi абараняць i прасоўваць iнтарэсы беларускай дзяржавы ў цэлым, але i згадваць пра свае акругi, выбаршчыкаў i садзейнiчаць наладжванню бiзнес-стасункаў памiж iмi i рэгiёнамi за мяжой.


Эфектыўнасць рэгiянальнага супрацоўнiцтва асаблiва вiдавочная памiж Расiяй i Беларуссю. Мясцовыя ўлады менш схiльныя да палiтызацыi, лепш ведаюць патрэбы вытворцаў, iнтарэсы бiзнесу. Пакуль элiты краiны занятыя глабальнымi праблемамi, канкрэтныя прадпрыемствы i арганiзацыi заключаюць кантракты i вырашаюць пытаннi збыту, паставак, сумеснай вытворчасцi i выхаду на рынкi. Таму ў свой час рэгiянальныя беларуска-расiйскiя форумы сталi выконваць важную ролю ў эканамiчным узаемадзеяннi дзвюх краiн. Цяпер падобны эфект чакаецца ад беларуска-ўкраiнскiх i беларуска-ўзбекiстанскiх форумаў рэгiёнаў. I зусiм невыпадкова менавiта парламент — галоўны арганiзатар сустрэч такога фармату.

«Парламентарыi павiнны садзейнiчаць мiжрэгiянальнаму супрацоўнiцтву i развiццю рэгiёнаў, забеспячэнню росту заробкаў i павышэнню якасцi жыцця грамадзян», — адзначыў старшыня Палаты прадстаўнiкоў Нацыянальнага сходу Беларусi Уладзiмiр АНДРЭЙЧАНКА на семiнары, прысвечаным прыярытэтам мiжнароднага парламенцкага супрацоўнiцтва, якi нядаўна прайшоў у нiжняй палаце Нацыянальнага сходу Беларусi.

Усяго ў Палаце прадстаўнiкоў сфармiраваны 72 рабочыя групы па супрацоўнiцтве з парламентамi замежных дзяржаў, мiжпарламенцкая камiсiя па супрацоўнiцтве Нацыянальнага сходу Беларусi i Нацыянальнага Сходу Арменii, а таксама 12 дэлегацый у мiжнародных парламенцкiх арганiзацыях. Акрамя таго, у Савеце Рэспублiкi сфармiраваны мiжпарламенцкiя камiсii па супрацоўнiцтве з верхнiмi палатамi парламентаў Казахстана, Расii i Францыi.

Спiкер нiжняй палаты адзначыў, што развiццё сучаснай сусветнай палiтыкi ва ўмовах глабалiзацыi i фармiравання шматпалярнага свету прад'яўляе новыя патрабаваннi да выбудоўвання мiжнародных парламенцкiх адносiн.

«Парламенцкая дыпламатыя становiцца ўсё больш запатрабаваным, канцэптуальна важным i перспектыўным фарматам узаемадзеяння, здольным умацаваць давер памiж краiнамi, — сказаў Уладзiмiр Андрэйчанка. — Беручы ўдзел у шматбаковых мiжнародных форумах, накiроўваючыся з вiзiтамi ў замежныя дзяржавы, парламентарыi могуць эфектыўна дапоўнiць намаганнi дыпламатаў у вырашэннi вострых мiжнародных i рэгiянальных праблем, стрымлiваннi росту крынiц пагроз i нестабiльнасцi».

Па яго словах, адным з пацвярджэнняў росту ўсеагульнай увагi да мiжпарламенцкага супрацоўнiцтва з'яўляецца распрацоўка Дэкларацыi Мiжпарламенцкага саюза аб парламенцкай дыпламатыi, падрыхтоўка праекта якой плануецца сёлета на 142-й Асамблеi МПС.

Пры гэтым парламенту Беларусi, па словах старшынi Палаты прадстаўнiкоў, адводзiцца асаблiвая роля ў развiццi i ўмацаваннi мiжнароднага аўтарытэту краiны, абароне i прасоўваннi яе нацыянальных iнтарэсаў на сусветнай арэне.

У гэтай сувязi Уладзiмiр Андрэйчанка абазначыў перад калегамi шэраг задач: у зносiнах з парламентарыямi iншых краiн весцi работу, накiраваную на непалiтызаваную ацэнку падзей у Беларусi; дзеля ўмацавання мiжрэгiянальнай стабiльнасцi шукаць i развiваць новыя формы ўзаемадзеяння на мiжнародных парламенцкiх пляцоўках.

«Важна, каб голас Мiнска гучаў i быў чутны ў розных кутках свету, у розных мiжнародных парламенцкiх структурах, якiх на сённяшнi дзень налiчваецца ўжо больш за 70, — акцэнтаваў увагу спiкер. — Гэта наш iмiдж, рэпутацыя, палiтычная вага».

Кiраўнiк нiжняй палаты заклiкаў дэпутатаў актывiзаваць намаганнi для прасоўвання iнiцыятыў Прэзiдэнта Беларусi аб запуску новага перагаворнага працэсу «Хельсiнкi-2» i фармiраваннi «Пояса лiчбавага добрасуседства».

Не менш важны складнiк парламенцкай дыпламатыi — садзейнiчанне поўнамаштабнаму гандлёва-эканамiчнаму супрацоўнiцтву, дыверсiфiкацыi паставак беларускай прадукцыi на знешнiя рынкi.

Уладзiмiр Андрэйчанка падкрэслiў мэтазгоднасць актыўнага прыцягнення парламентарыяў да работы мiжурадавых камiсiй па гандлёва-эканамiчным супрацоўнiцтве. Ён выказаў упэўненасць, што вопыт, веды i прафесiяналiзм беларускiх парламентарыяў дазволяць годна працаваць па ўсiх кiрунках мiжнароднай парламенцкай дзейнасцi, i спадзяецца, што парламенцкае супрацоўнiцтва «зможа забяспечыць максiмальны эфект для паскарэння сацыяльна-эканамiчнага развiцця краiны».

Вольга МЯДЗВЕДЗЕВА

Фота БелТА

Выбар рэдакцыі

Грамадства

«Да штыка ён пяро прыраўняў». Узгадваем ваеннага карэспандэнта Канстанціна Сіманава

«Да штыка ён пяро прыраўняў». Узгадваем ваеннага карэспандэнта Канстанціна Сіманава

28 лістапада 2020 года спаўняецца 105 гадоў з дня нараджэння вядомага рускага пісьменніка, ваеннага карэспандэнта і журналіста Канстанціна Сіманава. 

Грамадства

«Калі б не сям'я Абрамукоў, наш род перастаў бы існаваць яшчэ ў 1941 годзе». Расіянка з Ніжняга Ноўгарада знайшла ў беларускай вёсцы сваякоў

«Калі б не сям'я Абрамукоў, наш род перастаў бы існаваць яшчэ ў 1941 годзе». Расіянка з Ніжняга Ноўгарада знайшла ў беларускай вёсцы сваякоў

І аднавяскоўцаў людзей, якія ў час вайны ратавалі сям'ю яе бабулі, жонкі афіцэра Чырвонай Арміі.

Спорт

«Вікторыя», якая робіць з Гродна баскетбольную сталіцу

«Вікторыя», якая робіць з Гродна баскетбольную сталіцу

Гродна — горад з багатай не толькі культурнай, але і баскетбольнай гісторыяй. 

Грамадства

У Гродне жыхары кватэр адмовіліся падчас капітальнага рамонту здымаць аздабленне з балконаў. На іх падалі ў суд

У Гродне жыхары кватэр адмовіліся падчас капітальнага рамонту здымаць аздабленне з балконаў. На іх падалі ў суд

Такога кшталту справа ў судзе Кастрычнiцкага раёна Гродна разглядаецца ўпершыню.