Вы тут

На перадкастынгу беларускай версіі шоу «X-Factor» у Гродне выступіла амаль 200 выканаўцаў


Перадкастынг беларускай версіі аднаго з самых папулярных у свеце талент-шоу «X-Factor» прайшоў у мінулыя выхадныя ў Гродне. Перад прадзюсарскай групай праекта ў чатырох конкурсных намінацыях выступіла амаль 200 выканаўцаў, як прафесіяналаў, так і аматараў і нават тых, хто ніколі раней не выступаў перад публікай. А ў чарзе ахвотных на парадак больш — папярэдне зарэгістравалася каля 2500 чалавек!


Ужо ў гэтую суботу і нядзелю адборы працягнуцца ў Магілёве — з 12 да 20 гадзін усіх ахвотных чакаюць у малой зале Палаца культуры (Пушкінскі праспект, 7). «Улічвайце, што спяваць трэба а капэла, таму адказна падыходзьце да рэпертуару. Неабходна выбраць такія песні, якія максімальна раскрыюць ваш вакальны талент, пакажуць вас з найлепшага боку», — раіць кандыдатам выканаўчы прадзюсар беларускага «X-Factor» Вольга Шлягер. Таксама давядзецца адкласці ўбок музычныя інструменты і максімальна сканцэнтравацца — у кожнага артыста ёсць усяго некалькі хвілін, каб зрабіць уражанне на журы.

Самыя яркія нумары трапяць на тэлекастынгі — іх запішуць улетку, а ўдзельнікаў збяруць у трэніровачным лагеры для далейшай работы. Шоу стартуе ў эфіры ў верасні. Пераможцу ж, нагадаем, вызначаць гледачы напрыканцы года.

Вікторыя ЦЕЛЯШУК

Прэв'ю: eburg.mk.ru

Загаловак у газеце: Фактар таленту

Выбар рэдакцыі

Грамадства

Палацы, паркi, сядзiбы. На Брэстчыне вядзецца вялiкая работа па аднаўленнi гiсторыка-культурных аб'ектаў

Палацы, паркi, сядзiбы. На Брэстчыне вядзецца вялiкая работа па аднаўленнi гiсторыка-культурных аб'ектаў

Адным з першых у вобласцi пачалi рэстаўрыраваць велiчны палац Сапег у Ружанах.

Грамадства

Шопiнг з дапоўненай рэальнасцю. Тэхналогii 3D-мадэлявання адкрыюць новы фармат гандлю

Шопiнг з дапоўненай рэальнасцю. Тэхналогii 3D-мадэлявання адкрыюць новы фармат гандлю

Наша краiна займае трэцяе месца ў сваiм рэгiёне па колькасцi бескантактавых транзакцый.

Грамадства

Неспадзяваныя падарожжы. Як не згубiцца ў лесе?

Неспадзяваныя падарожжы. Як не згубiцца ў лесе?

Цёплае i вiльготнае надвор'е, якое вось ужо чацвёрты тыдзень з невялiкiмi перапынкамi пануе ў Беларусi, штурхае да таго, каб пайсцi ў лес.