03 снежня, чацвер

Вы тут

У Мінску пасля чатырох гадоў прастою адрадзіўся аўтавакзал «Усходні»


Без чырвонай стужкі і скромна сёння аднавіў працу сталічны аўтавакзал «Усходні». Амаль чатыры гады таму яго закрылі, каб загрузіць цэнтральны аўтобусны тэрмінал. На сённяшні дзень апошні аказаўся ўжо перагружаным. Рэйсаў і транспарту шмат, а пляцовак для стаянкі і адстою практычна няма. Вузкі ўчастак вуліцы Бабруйскай перагружаны маршрутнымі транспартнымі сродкамі. І вось «Усходні» зноў прызваны прыйсці на дапамогу.


Сюды ўжо перанеслі, напрыклад, пачатковы прыпынак аўтобусаў і маршрутак да Мачулішчаў, Кайкова, парка «Вялікі камень», санаторыяў «Волма» і «Радон». Поўны спіс змяненняў маршрутаў «Звязда» ўжо публікавала. Што цікава, міжгароднія аўтобусы ўсё роўна будуць заязжаць на «Цэнтральны» і рабіць там кароткі прыпынак, то-бок не будуць там затрымлівацца.

Прасторная пляцоўка і вялізны будынак, аднак, пакуль не будуць працаваць на поўную моц. Пасажырам дадзены доступ толькі да першага паверху, дзе арганізаваны зала чакання, касы, камеры захоўвання і буфет.

Будынак аўтавакзала і прылягаючую тэрыторыю падчас прастою неаднаразова спрабавалі прадаць на аўкцыёне. Была ідэя зрабіць ў памяшканнях выставачны цэнтр, але і яе не рэалізавалі.

Дзмітрый Суганяеў

Фота аўтара


Выбар рэдакцыі

Грамадства

Ежа як лякарства. Што з'есці, каб стаць здаравейшым?

Ежа як лякарства. Што з'есці, каб стаць здаравейшым?

Мы вырашылі распытаць спецыяліста.  

Грамадства

Міністр ЖКГ Андрэй Хмель: Спажыўца паслугі трэба пачуць і зразумець

Міністр ЖКГ Андрэй Хмель: Спажыўца паслугі трэба пачуць і зразумець

Аб за­крыц­ці па­лі­го­наў, уплы­ве ка­ра­на­ві­ру­са, за­клі­ках да не­пла­ця­жу за ка­му­наль­ныя па­слу­гі і най­блі­жэй­шых перс­пек­ты­вах.

Грамадства

У Гродне завяршаецца першы этап рэстаўрацыi Старога замка

У Гродне завяршаецца першы этап рэстаўрацыi Старога замка

Стары замак нiколi не меў завершанага выгляду. Яго неаднаразова аднаўлялi i рэканструявалi, таму яго архiтэктура ўтрымлiвае ў сабе стылi некалькiх эпох.

Грамадства

Непаўналетнiя ў крымiнальным працэсе: практычныя нюансы

Непаўналетнiя ў крымiнальным працэсе: практычныя нюансы

Пра асаблiвасцi абароны правоў дзяцей-правапарушальнiкаў (затрыманне, прымяненне мер стрымлiвання, следчыя дзеяннi) расказалi эксперты падчас аднаго з вэбiнараў, якiя сумесна з Рэспублiканскай калегiяй адвакатаў Дзiцячы фонд ААН (ЮНIСЕФ) у Беларусi арганiзаваў яшчэ летам.