22 кастрычніка, чацвер

Вы тут

Міністэрства аховы здароўя абвергла інфармацыю аб смерці праз каранавірус у Віцебску


На адным з інтэрнэт-рэсурсаў у пятніцу быў апублікаваны артыкул пра тое, што ў Віцебску памерла жанчына праз каранавірусную інфекцыю. Міністэрства аховы здароўя абвергла гэтую інфармацыю.


За апошнія два тыдні гэта ўжо чацвёртая «смерць» ад журналістаў, адзначылі ў ведамстве.

— У сувязі з тым, што муж памерлай даў інтэрв’ю журналісту і палічыў неабходным пералічыць усе яе хваробы, Міністэрства аховы здароўя вымушана пацвердзіць, што, сапраўды, пацыентка Х была шпіталізавана ва ўстанову аховы здароўя Віцебска 15 сакавіка. З анамнэза стала зразумела, што жанчына нікуды з краіны не выязджала. Паступала яна з першасным дыягназам «пнеўманія», тэмпература ў яе была на працягу тыдня. У анамнезе — дыябет, артэрыяльная гіпертэнзія, хранічны бранхіт і падвышаная маса цела. У сувязі з тым, што ёй пры паступленні быў выстаўлены дыягназ «пнеўманія», урачы, выконваючы загад Міністэрства аховы здароўя (усе пнеўманіі тыпуюцца на каранавірус), вядома ж, узялі ў яе мазок. Такі ж аналіз было прапанавана здаць больш далёкім сваякам.

На наступны дзень прыйшоў адмоўны вынік на аналіз пацыенткі Х. Бліжэйшыя сваякі атрымаюць вынікі на наступным тыдні. Міністэрства аховы здароўя прыносіць свае спачуванні мужу і сваякам памерлай. Гэта цяжкая страта.

Зараз бальніца перапрафілявана на працу з вострымі пнеўманіямі і віруснымі інфекцыямі, супрацоўнікі, згодна з загадам Міністэрства аховы здароўя, абавязаны абследавацца раз у два тыдні.

Абавязковы каранцін, ні мужчына, ні іншыя сваякі (улічваючы, што яны былі на пахаванні) не абавязаны выконваць.

— Мы ўвесь час кажам пра тое, што ў нас ўведзена абавязковае тыпаванне (мазок) на каранавірус для ўсіх сярэдніх і цяжкіх пнеўманій. Для ўсіх! Мы абавязаны гэта зрабіць — праверыць пацыента і яго сваякоў. Гэта звычайная ўрачэбная працэдура. Так, сітуацыя ў свеце цяжкая. Так, у нас сапраўды ёсць некалькі пацыентаў з клінічнымі праявамі, а большасць — без сімптомаў, але з выстаўленым дыягназам COVID-19. Але паніка ў журналісцка-блогерскім асяроддзі перашкаджае нам працаваць! — адзначылі ў ведамстве.

Прэв'ю: npr.org

Выбар рэдакцыі

Культура

​Як вывозілі каштоўнасці з музеяў БССР у канцы 1920-х — пачатку 1930-х гг.

​Як вывозілі каштоўнасці з музеяў БССР у канцы 1920-х — пачатку 1930-х гг.

Даследчыкі савецкай індустрыялізацыі традыцыйна бралі пад увагу дзве галоўныя крыніцы яе фінансавання — экспарт сыравіны і сельскагаспадарчай прадукцыі. 

Культура

Леў Клейнбарт. Чалавек, якi адкрыў для чытацкай публiкi Янку Купалу i Сяргея Ясенiна, нарадзiўся ў Капылi — у доме, якi захаваўся да нашых дзён

Леў Клейнбарт. Чалавек, якi адкрыў для чытацкай публiкi Янку Купалу i Сяргея Ясенiна, нарадзiўся ў Капылi — у доме, якi захаваўся да нашых дзён

У пачатку XX стагоддзя публiцыст, крытык i журналiст Леў Клейнбарт быў уплывовай асобай сярод творчай iнтэлiгенцыi Пецярбурга.

Эканоміка

Студэнцкі попыт на кошт арэнды жылля амаль не паўплываў

Студэнцкі попыт на кошт арэнды жылля амаль не паўплываў

Спецыялісты адзначаюць: добра яшчэ, што рынак выжыў.

Грамадства

Як правільна суперажываць блізкім? Чаму не працуе звычайнае «Вазьмі сябе ў рукі!»?

Як правільна суперажываць блізкім? Чаму не працуе звычайнае «Вазьмі сябе ў рукі!»?

У падтрымцы звычайна маюць патрэбу ўсе жывыя людзі ў складаныя перыяды жыцця.