Рэгіянальны турбавінтавы самалёт «Сіньчжоў-700», які распрацоўваецца Кітаем, можа здзейсніць свой першы палёт ўжо ў другой палове гэтага года. Аб гэтым паведаміў вытворца дадзенай новай мадэлі, перадае «Жэньмінь жыбаа» анлайн».
Паводле паведамлення Сіаньскай авіябудаўнічай кампаніі пры Кітайскай карпарацыі авіяцыйнай прамысловасці (AVIC), вытворчасць «Сіньчжоў-700» аднавілася на даследчай базе ў горадзе Сіань, адміністрацыйным цэнтры правінцыі Шэньсі на паўночным захадзе Кітая.
Рэгіянальны турбавінтавы самалёт новага пакалення, які адрозніваецца больш эфектыўнай канструкцыяй корпуса і перадавымі тэхналогіямі, здольны перавозіць да 70 пасажыраў. «Мы адначасова праводзім зборку двух самалётаў тыпу „Сіньчжоў-700“, — сказаў Ян Гажун, галоўны інжынер-тэхнолаг праекта. — Самалёт, якому належыць здзейсніць першы палёт, знаходзіцца на завяршальнай стадыі зборкі».
Ужо паступілі заказы на 285 такіх самалётаў ад 11 айчынных і замежных авіякампаній. Сіаньская авіябудаўнічая кампанія пачала распрацоўваць «Сіньчжоў-700» у 2013 годзе з мэтай заваяваць большую долю сусветнага рынку.
Прэв’ю: ekd.me
Амаль тысяча дзвесце чалавек збяруцца, каб вырашаць найважнейшыя пытанні развіцця краіны.
Расказаў першы намеснік старшыні Дзяржаўнага камітэта па навуцы і тэхналогіях Рэспублікі Беларусь Дзяніс Каржыцкі.
Як вакцыны выратоўваюць жыцці і чаго можа каштаваць іх ігнараванне?
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.