Вы тут

Вiктар Хрэнiн: Нашы вучэннi — мера рэагавання


У беларускiм войску працягваецца комплексная праверка баявой гатоўнасцi. Падраздзяленнi, задзейнiчаныя ў ёй, занялi на палiгонах i ўчастках мясцовасцi зыходныя раёны i цалкам гатовы да выканання вучэбна-баявых задач. Агулам у вучэннi бярэ ўдзел каля 6 тысяч чалавек асабовага складу i 200 адзiнак узбраення, паведамляе Мiнiстэрства абароны.


Фота БЕЛТА.

Вучэнне праводзiцца для таго, каб ацанiць, наколькi добра падрыхтаваны войскi. Таксама яно з'яўляецца мерай рэагавання на манеўры НАТА каля меж Беларусi. На гэта звярнуў увагу мiнiстр абароны Вiктар Хрэнiн:

— Праверка праводзiцца на фоне няпростага ваенна-палiтычнага i стратэгiчнага становiшча. Павялiчваюцца склад груповак войскаў i колькасць узбраення, iнтэнсiўнасць вучэнняў на тэрыторыi сумежных краiн толькi расце.

Самым маштабным за чвэрць стагоддзя стане вучэнне «Абаронца Еўропы — 2020». Толькi на тэрыторыi Польшчы i краiн Балтыi сканцэнтравана звыш 11 тысяч чалавек асабовага складу i каля 800 адзiнак розных сiстэм узбраення. Прычым ад правядзення вучэнняў кiраўнiцтва Паўночнаатлантычнага альянсу цалкам не адмовiлася нават з-за ўспышкi каранавiруса, хоць пры гэтым былi адменены чатыры сумежныя вучэннi.

Таму сумесна з органамi пагранiчнай службы адпрацаваны пытаннi ўзмацнення ўчасткаў дзяржаўнай гранiцы. Завершана зладжванне воiнскiх частак i праводзiцца шэраг батальённых тактычных вучэнняў з прымяненнем супрацьтанкавых кiраваных ракет, стральбой артылерыi i рэактыўных сiстэм залпавага агню на вялiкiя адлегласцi. Таксама ацэнена эфектыўнасць iснуючай сiстэмы тэрытарыяльнай абароны. Падчас усiх этапаў падрыхтоўкi дзейнiчае авiяцыя. На эфектыўнасць праверана створаная сiстэма тэрытарыяльнай абароны.

На ўсiх мерапрыемствах падрыхтоўкi дзейнiчае авiяцыя, у тым лiку новыя шматмэтавыя самалёты Су-30СМ.

— Мушу зазначыць, што ўсе мерапрыемствы праводзiм выключна на сваёй тэрыторыi, пры гэтым мы адкрыты для нашых суседзяў, — заявiў Вiктар Хрэнiн.

Валяр'ян ШКЛЕННIК

Выбар рэдакцыі

Грамадства

Палацы, паркi, сядзiбы. На Брэстчыне вядзецца вялiкая работа па аднаўленнi гiсторыка-культурных аб'ектаў

Палацы, паркi, сядзiбы. На Брэстчыне вядзецца вялiкая работа па аднаўленнi гiсторыка-культурных аб'ектаў

Адным з першых у вобласцi пачалi рэстаўрыраваць велiчны палац Сапег у Ружанах.

Грамадства

Шопiнг з дапоўненай рэальнасцю. Тэхналогii 3D-мадэлявання адкрыюць новы фармат гандлю

Шопiнг з дапоўненай рэальнасцю. Тэхналогii 3D-мадэлявання адкрыюць новы фармат гандлю

Наша краiна займае трэцяе месца ў сваiм рэгiёне па колькасцi бескантактавых транзакцый.

Грамадства

Неспадзяваныя падарожжы. Як не згубiцца ў лесе?

Неспадзяваныя падарожжы. Як не згубiцца ў лесе?

Цёплае i вiльготнае надвор'е, якое вось ужо чацвёрты тыдзень з невялiкiмi перапынкамi пануе ў Беларусi, штурхае да таго, каб пайсцi ў лес.