Вы тут

Sex-балясы. Ну? Ню! Аплачана!


Адчуваеце ў паветры гэты адмысловы пах вясны? Не, я не пра надвор'е, тым больш што яно, як паказвае цяперашняе жыццё, яшчэ тое можа выкiнуць! I не пра каляндарныя буднi: ну перажылi ж мы дзень за днём сёлетнiя «суровыя маразы», i хто iх заўважыў?! («Гэтая вясна абяцае быць сумнай, таму што я за зiму не паспела патаўсцець, худзець не трэба, нудзiць, што тоўстая, не трэба... Чым цяпер заняцца ў вольны час?») Сапраўдная вясна пачынаецца не з даты. Яна надыходзiць у той момант, калi прыгожы пол пачынае што?.. Правiльна, распранацца. («Дарагiя дзяўчаты, хутка на вулiцы стане зусiм цёпла, таму хочацца, каб вы задумалiся над тым, што лiфчык — гэта iнструмент прыгнёту жанчын, навязаны патрыярхатам».) I мы ў даўгу не застаёмся: шчодра адплачваем прадстаўнiцам другой паловы чалавецтва сваiмi цёплымi позiркамi. Кажаце, апошнiм гэтае iмкненне ўласцiва круглы год? («Хочацца, каб прыгожы мужчына ў поўным росквiце сiл забраў мяне зараз з работы, адвёз да сябе, кiнуў на велiзарны ложак i сказаў: «Спi».) Магчыма, але менавiта цяпер найбольш выразна да гэтага самага паху вясны далучаецца яшчэ i пах... грошай. Вось апошнiя «зводкi з франтоў».


Нядаўна лонданскiя таблоiды пiсалi пра Анастасiю Берцье — масквiчку, у якой адзiн мiльён прыхiльнiкаў у сецiве. А яшчэ грудзi неверагодных памераў, здымкi якiх дазваляюць дзяўчыне аплачваць вiлу ў Дубаi. Ну а чаму б не скарыстацца тым, што, як сцвярджае блогерка, дадзена ёй выключна ад прыроды?! («— Тата, я хачу вялiкую Барбi! — Дачка, я таксама! Мацi не дазваляе!») Як i астатнiмi творчымi здольнасцямi ў выглядзе напiсання вершаў i карцiн, якiя аўтарка выстаўляе на продаж у сецiве. Нароўнi з тымi самымi фота, якiя i прыносяць найбольшыя дывiдэнды... За трыста долараў можна атрымаць самыя «гарачыя кадры», фота-вiдэа топлес i бонус — сесiю ў бялiзне, якую пажадае клiент. («Калi голы мужчына выпадкова трапляе ў жаночую лазню, дзяўчаты верашчаць i палiваюць таго кiпнем. А калi аголеная жанчына апынецца ў мужчынскай — усе яе наведвальнiкi будуць вельмi галантныя, добразычлiвыя i гасцiнныя. Гэта яшчэ раз даказвае, што ў мужыкоў дабрэйшыя сэрцы».) Дзяўчына нават яшчэ i пакрыўдзiлася на расiйскiя СМI праз сваю асаблiвасць. «У мяне памер грудзей 34К — брытанскi. Нашы журналiсты пераклалi, што гэта як 11-ы. Няправiльна. Увогуле такога рускага памеру не iснуе, але калi лiчыць як трэба, дык будзе 15-ы! Грудзi сапраўдныя!» («— Ах, люстэрачка, скажы, ды ўсю праўду далажы. Цi я ёсць за ўсiх мiлейшай, i румянай, i бялейшай? — Ну, ты самая духоўна багатая. Пакуль усё».) Было за што сварыцца: Анастасiя Берцье — самая багатая з рускiх дзяўчат, хто зарабляе такiм чынам. («Я не магу зразумець: няўжо ў 2020 годзе нехта яшчэ працуе на дзядзьку? Пашырайце рамкi, выходзьце з зоны камфорту, бярыце прыклад з мяне! Працуйце на цётку».)

Кендал Джэнер, малодшая сястра Кiм Кардаш'ян, з'яўляецца самай высокааплатнай мадэллю планеты: 24-гадовая дзяўчына атрымлiвае па 30 мiльёнаў долараў у год. Нядаўна яна прадэманстравала, за што ёй плацяць шалёныя грошы: пахвалiлася шыкоўнай фiгурай у адкрытым бiкiнi. («— Леначка, што ты прасiла ў Дзеда Мароза? — Нiчога... Лепш я сваволiць буду!») Ну, як у адкрытым? Купальнiк практычна не пакiдае прасторы для фантазii, затое забяспечвае выдатны загар (i, трэба меркаваць, новыя паступленнi на рахунак): мiнiяцюрны лiф амаль без шлеек цалкам дэманструе грудзi «зоркi», а нiжняя частка на танюсенькiх лямачках амаль выходзiць за межы прыстойнасцi. («— Можна мне прымераць тую сукенку на вiтрыне? — Канешне. Толькi на вiтрыне не трэба, у нас ёсць прымерачныя».) Цi трэба казаць, што здымкi не пакiнулi нiкога раўнадушным. («Тата, тата, а раскажы мне, што табе сёння снiлася? Эх... сынок, сынок... табе да такiх сноў яшчэ спаць ды спаць!»)

Ну, а як вам такая гiсторыя, што адбылася напярэдаднi вясны: 37-гадовая экс-салiстка групы «ВIА Гра» Ганна Седакова выклала ў сецiве фота без (прабачце) трусоў i абвясцiла пра сваю чацвёртую цяжарнасць. («Выклiкайце пажарных, таму што я — агонь!») У апiсаннi да здымка спявачка вырашыла паразважаць пра догляд цела. «Быць дзяўчынкай складана, а яшчэ складаней — мамай», — напiсала яна. А якая тут сувязь з адсутнасцю нiжняй бялiзны, хто-небудзь зразумеў? («— Люся, вы ўся такая падцягнутая, грацыёзная... Як вам гэта ўдаецца? — Я займаюся народнымi танцамi. — Як цiкава! А якiмi? — Стрыптызам. — А... хiба гэта народныя танцы? — Ну, не ведаю... Народу падабаецца...»)

I напрыканцы... 19-гадовая жыхарка Новасiбiрска Анастасiя Макарава апублiкавала ў сацсетках незвычайную аб'яву: «Адпраўлю iнтымныя фота за дапамогу прытулку для жывёл! Я вучуся ў iнстытуце i падпрацоўваю медсястрой, грошай i часу катастрафiчна не хапае. Але я вельмi хачу дапамагаць жывёлам, таксама як дапамагаю людзям». Дзяўчына гатова адправiць iнтымнае фота любому паўналетняму, якi перавядзе на рахунак прытулку хоць сто рублёў. «У мяне дастаткова сексуальнай энергii, i я яе такiм чынам магу рэалiзаваць, мне падабаецца, калi людзi ацэньваюць маю прыгажосць, для мяне гэта не траўма, а магчымасць самарэалiзацыi». Што сказаць... I не ўхваляючы, i не асуджаючы... Хочацца верыць, што ў гэтым выпадку шчырасцi больш, чым карыслiвасцi... («Ева была першай жанчынай, якая сказала: «Мне няма чаго надзець!», i была адзiнай, якая гаварыла чыстую праўду».)

Кастусь ХАЦЕЛАЎ-ЗМАГЕЛАЎ

Выбар рэдакцыі

Грамадства

Галiна Левіна: Помнiк — не канструктар i не чарцёж, яго трэба перажыць, выпакутаваць

Галiна Левіна: Помнiк — не канструктар i не чарцёж, яго трэба перажыць, выпакутаваць

У архiтэктара Галiны Левiнай — Хатынь, творчая спадчына яе бацькi.

Грамадства

Прэмiя прыгажосцi. Дзеля чаго людзi кладуцца пад нож пластычнага хiрурга?

Прэмiя прыгажосцi. Дзеля чаго людзi кладуцца пад нож пластычнага хiрурга?

Як сведчаць шматлiкiя даследаваннi, прывабным людзям прасцей прабiцца ў жыццi i яны дасягаюць у кар'еры большага поспеху. 

У свеце

Як Еўропа аднаўляецца ад кавiднага ўдару?

Як Еўропа аднаўляецца ад кавiднага ўдару?

Сёлета еўрапейская эканомiка будзе перажываць глыбокую рэцэсiю з-за ўспышкi каранавiруса, нягледзячы на хуткiя i ўсёабдымныя антыкрызiсныя меры як на саюзным, так i на нацыянальным узроўнi.

Эканоміка

Тонкае мастацтва дабрабыту. Складаем сямейны бюджэт разам са спецыялістам Нацбанка

Тонкае мастацтва дабрабыту. Складаем сямейны бюджэт разам са спецыялістам Нацбанка

2020 год паставіў усіх нас перад неабходнасцю дакладна планаваць свае выдаткі.