Вы тут

Студэнт Дзмiтрый Беразоўскі — і выступоўца, i вядучы, i аўтар...гiмна


I выступоўца, i вядучы, i аўтар... гiмна. Яго актыўнасцi можна толькi пазайздросцiць. Знаёмцеся: Дзмiтрый БЕРАЗОЎСКI, студэнт трэцяга курса ўлiкова-фiнансавага факультэта Беларускага дзяржаўнага эканамiчнага ўнiверсiтэта спажывецкай кааперацыi. Сёлета хлопец стаў фiналiстам рэспублiканскага конкурсу «Студэнт года». I гэта далёка не ўсе кейсы нашага героя.


— Мае звычайныя днi праходзяць у рэжыме нон-стоп: рэпетыцыi да мерапрыемстваў, канцэрты, якiя часам адбываюцца ў розных гарадах, — усмiхаючыся, кажа дваццацiгадовы Дзмiтрый.

Суразмоўнiк актыўнiчае як у рамках грамадскай дзейнасцi ўнiверсiтэта, так i ў навуковай сферы. На першым курсе Дзiма перамог у конкурсах «Мiстар унiверсiтэт» і «Найлепшы вядучы», праз некаторы час стаў намеснiкам старшынi пярвiчнай прафсаюзнай арганiзацыi студэнтаў, членам БРСМ i байцом маладзёжнага атрада аховы правапарадку ўнiверсiтэта. Акрамя таго, летась герой стаў стыпендыятам Федэрацыi прафсаюзаў Беларусi.

— Адчуваць жыццё па максiмуме — гэта ж крута, цiкава i весела. Вольнага часу ў мяне практычна няма, але я такi актыўны з дзяцiнства. Лiчыў, што сядзець за камп'ютарам гадзiнамi запар нецiкава, хацелася задзейнiчаць сябе ў нечым карысным. Таму з трэцяга класа пачаў займацца спевамi i танцамi ў музычнай школе. Да таго ж працаваў у Беларускiм таварыстве Чырвонага Крыжа, i цяпер у рамках унiверсiтэцкага руху разам з iншымi студэнтамi езджу ў прытулкi для жывёл, дзiцячыя дамы, удзельнiчаю ў розных дабрачынных мерапрыемствах. Думаю, схiльнасцi да творчасцi ў мяне ад мамы, якая ў свой час скончыла музычную школу, пасля атрымала некалькi вышэйшых адукацый i цяпер працуе ў той сферы, якая ёй падабаецца, — дзелiцца герой.

Заканчваючы школу, Дзiма быў упэўнены: яго чакае Беларускi дзяржаўны ўнiверсiтэт культуры i мастацтваў. Але з-за пэўных абставiн са здароўем хлопец туды не паступiў.

— Таму вырашыў год папрацаваць у родным Гродне, прыслухацца да сябе: у якiм кiрунку хачу развiвацца. Рашэнне аб тым, што буду бухгалтарам, прымалася спантанна. Але не пашкадаваў, гэтыя веды дакладна спатрэбяцца ў жыццi. Хоць адчуваю, што манатонная праца не па мне. Памятаю, калi на першым курсе ў студэнтаў пыталiся, якiя ў нас ёсць здольнасцi, каб вызначыць кiрунак далейшай дзейнасцi ва ўнiверсiтэце, я быў гатовы рабiць што заўгодна, толькi б не сядзець на адным месцы.

Пытаюся, цi паспявае Дзiма з такiм загружаным графiкам наведваць пары...

— Часам прапускаю, з-за чаго вельмi хвалюецца мама. Але я хутка засвойваю патрэбную iнфармацыю i досыць кемлiвы. Магу, напрыклад, падрыхтавацца да экзамена за дзень да яго i адказаць «на выдатна». Такая здольнасць дапамагае i ў творчасцi. Бывае, што да выхаду на сцэну застаецца хвiлiна, а мне даюць у рукi новы сцэнарый мерапрыемства i кажуць: ты зможаш. Для артыста гэта нармальная сiтуацыя. Мы павiнны быць гатовыя да ўсяго. Калi прапанавалi стварыць гiмн для конкурсу «100 iдэй для Беларусi», я без роздумаў пагадзiўся, i атрымалася даволi хутка — за тыдзень пастаўленую задачу выканаў. Дарэчы, хтосьцi са знаёмых перакананы, што я хвалько, але гэта не так. Я проста ўпэўнены ў сабе i лiчу, што гэта добра. Мне цяжка ўявiць таго, хто ўсюды выступае i пры гэтым сцiплы, — адказвае суразмоўнiк.

— Ты пiшаш тэксты, захапляешся музыкай. Калi выбiраць памiж тым, стаць самому зоркай або зрабiць ёй кагосьцi iншага...

— Схiляюся да другога. Мне падабаецца прадзюсарская гiсторыя, калi знаходзiшся ў цяні i прасоўваеш свайго пратэжэ. Але i iдэi наконт прасоўвання сябе самога таксама ёсць. Зараз маю некалькi варыянтаў развiцця маёй будучынi, але кiм буду праз некалькi гадоў, сказаць пакуль цяжка. На сённяшні дзень ёсць магчымасцi выбiраць — i ў гэтым перавага майго ўзросту.

Дар'я ШЛАПАКОВА

Фота дадзена героем

Загаловак у газеце: Адчуваць жыццё на максiмуме

Выбар рэдакцыі

Грамадства

Галiна Левіна: Помнiк — не канструктар i не чарцёж, яго трэба перажыць, выпакутаваць

Галiна Левіна: Помнiк — не канструктар i не чарцёж, яго трэба перажыць, выпакутаваць

У архiтэктара Галiны Левiнай — Хатынь, творчая спадчына яе бацькi.

Грамадства

Прэмiя прыгажосцi. Дзеля чаго людзi кладуцца пад нож пластычнага хiрурга?

Прэмiя прыгажосцi. Дзеля чаго людзi кладуцца пад нож пластычнага хiрурга?

Як сведчаць шматлiкiя даследаваннi, прывабным людзям прасцей прабiцца ў жыццi i яны дасягаюць у кар'еры большага поспеху. 

У свеце

Як Еўропа аднаўляецца ад кавiднага ўдару?

Як Еўропа аднаўляецца ад кавiднага ўдару?

Сёлета еўрапейская эканомiка будзе перажываць глыбокую рэцэсiю з-за ўспышкi каранавiруса, нягледзячы на хуткiя i ўсёабдымныя антыкрызiсныя меры як на саюзным, так i на нацыянальным узроўнi.

Эканоміка

Тонкае мастацтва дабрабыту. Складаем сямейны бюджэт разам са спецыялістам Нацбанка

Тонкае мастацтва дабрабыту. Складаем сямейны бюджэт разам са спецыялістам Нацбанка

2020 год паставіў усіх нас перад неабходнасцю дакладна планаваць свае выдаткі.