Вы тут

У Светлагорску дзяўчына забылася сумачку ў таксі. Кіроўца забраў грошы


Крымінальная гісторыя з удзелам 26-гадовага таксіста і кліенткі адбылася ў канцы лютага, калі кіроўца падвозіў дзяўчыну і яе знаёмага. Пасля паездкі гараджанка заўважыла, што знікла сумачка і паведаміла пра гэта ў міліцыю, пішуць на сайце МУС.


Аператыўнікі адсачылі маршрут заяўніцы: па запісах з камер відэаназірання было відаць, што ў аўтамабіль пацярпелая садзілася з сумачкай, а выйшла ўжо без яе. Таму асноўным падазраваным стаў таксіст.

- Пакуль мы ўстанаўлівалі дачыненне кіроўцы да злачынства, відавочцы знайшлі выкрадзеную сумачку - разам з мабільным тэлефонам яна ляжала на адной з вуліц горада. Пазней высветлілася, што адтуль зніклі грошы пацярпелай, якія таксіст паспеў выдаткаваць, - распавялі ў Светлагорскім РАУС.

У гутарцы з аператыўнікамі падазраваны мяняў паказанні: спачатку сцвярджаў, што рэчы маглі забраць іншыя пасажыры, затым прызнаўся - сумачку знайшоў і выкінуў разам са змесцівам, аднак у выніку распавёў, як усё было на самай справе.

Дзеянням гараджаніна следчыя далі прававую ацэнку і па факце крадзяжу распачалі крымінальную справу. Вядома, што раней падазроны не прыцягваўся да крымінальнай адказнасці.

Прэв'ю: atr.kz

Выбар рэдакцыі

Спорт

Андрэй Ліхавіцкі: Адказнасць, засяроджанасць і любоў

Андрэй Ліхавіцкі: Адказнасць, засяроджанасць і любоў

Андрей Ліхавіцкі — прыклад таго, што геаграфічныя межы спорту не перашкода. Чаму?

Грамадства

Конкурс прафесiйнага майстэрства WorldSkills Belarus 2020 прайшоў у Мiнску

Конкурс прафесiйнага майстэрства WorldSkills Belarus 2020 прайшоў у Мiнску

Конкурс прафесiйнага майстэрства WorldSkills Belarus 2020 прайшоў у Мiнску ў Індустрыяльным парку «Вялiкi камень» з грандыёзным размахам.