Вы тут

Парламент чакае ад Паслання Прэзідэнта акцэнтаў ва ўнутранай і знешняй палітыцы


У парламенце чакаюць, што ў штогадовым Пасланні Прэзідэнта беларускаму народу і Нацыянальнаму сходу, будуць расстаўленыя акцэнты унутранай і знешняй палітыкі. Такое меркаванне сёння на пасяджэнні Савета Палаты прадстаўнікоў выказаў яе старшыня Уладзімір Андрэйчанка, перадае БелТА.


Парламенцкія планы будуць карэкціравацца з улікам звароту Прэзідэнта з Пасланнем беларускаму народу і Нацыянальнага сходу. "Кіраўнік дзяржавы расставіць акцэнты ва ўнутранай і знешняй палітыцы нашай краіны, акрэсліць задачы, якія стаяць перад дзяржаўнымі органамі, уключаючы парламент", - выказаў меркаванне Уладзімір Андрэйчанка.

Спікер назваў некаторыя з прыярытэтаў бягучай работы парламентарыяў. Так, камісіі па заканадаўстве, па яго словах, варта працягнуць маніторынг працэсу падрыхтоўкі новых рэдакцый Кодэкса аб адміністрацыйных правапарушэннях і Працэсуальна-выканаўчага кодэкса аб адміністрацыйных правапарушэннях. "Дэпутатам трэба аналізаваць прапановы, якія паступаюць з акругаў па гэтай тэматыцы, пры неабходнасці агучваць іх перад міжведамаснай экспертнай камісіяй па падрыхтоўцы праектаў кодэксаў", - сказаў ён.

Вялікая праца ў акругах чакае дэпутатаў у сувязі са святкаваннем 75-годдзя Перамогі савецкага народа ў Вялікай Айчыннай вайне. Парламентарыям трэба надаць увагу клопату пра ветэранаў, падтрымцы пажылых людзей, патрыятычнаму выхаванню моладзі.

Выбар рэдакцыі

Грамадства

«Антыдэпрэсанты не выклiкаюць прывыкання i залежнасцi». Як перамагчы трывогу i дэпрэсiўны настрой?

«Антыдэпрэсанты не выклiкаюць прывыкання i залежнасцi». Як перамагчы трывогу i дэпрэсiўны настрой?

Расказаў урач-псiхiятр-нарколаг мiнскага гарадскога клiнiчнага псiхiятрычнага дыспансера Iгар Сарокiн.

Грамадства

Прыехаць за 30 хвiлiн. Як у аварыйных выпадках павiнны рэагаваць камунальнiкi

Прыехаць за 30 хвiлiн. Як у аварыйных выпадках павiнны рэагаваць камунальнiкi

У Беларусi дзейнiчае такi дакумент, як «Тэхнiчная эксплуатацыя жыллёвых i грамадскiх будынкаў i збудаванняў. Парадак правядзення».