Вы тут

У Беларусі ў большасці пацыентаў з COVID-19 хвароба ідзе лёгка або бессімптомна


Большасць выпадкаў каранавіруснай інфекцыі COVID-19 у Беларусі маюць лёгкі або бессімптомны ход хваробы, заявіла намеснік міністра аховы здароўя Алена Богдан у эфіры тэлеканала "Беларусь 1".


Фота: pixabay.com

"Міністэрства аховы здароўя валодае абсалютна ўсёй інфармацыяй, якая на гэты час ёсць: і па колькасці абследаваных, і па колькасці выяўленых выпадкаў, і па стане здароўя кожнага з гэтых пацыентаў, - сказала Алена Богдан. - Асноўная маса пацыентаў, у якіх выяўлены COVID-19, маюць бессімптомны ход або абсалютна невыразнае клінічнае праяўленне рэспіраторнага характару".

Штодзень аналізуюцца запасы масак, засцерагальных касцюмаў, лекавых сродкаў. Прычым калі раней па лякарствах запас быў створаны на 3-4 месяцы, то на сёння па асноўных пазіцыях ён складае як мінімум 6 месяцаў.

"Сітуацыя з'яўляецца поўнасцю кантралюемай", - падкрэсліла намеснік міністра.

Таксама яна пракаменціравала інфармацыю агенцтва Bloomberg пра нібыта 22 выпадкі смерці ад каранавіруса ў Беларусі. "У нашых медыцынскіх установах ад інфекцыі COVID-19 на сёння ніхто не памёр. Заканамернае пытанне: якой крыніцай інфармацыі карыстаецца Bloomberg", - адзначыла яна.

Амерыканскае агенцтва Bloomberg сёння раніцай выдала фэйк аб смяротных выпадках ад каранавіруса ў Беларусі. Праз пару гадзін агенцтва заўважыла сваю памылку, але замест абвяржэння інфармацыі проста паправіла яе ў тым жа матэрыяле.

Выбар рэдакцыі

Грамадства

«Антыдэпрэсанты не выклiкаюць прывыкання i залежнасцi». Як перамагчы трывогу i дэпрэсiўны настрой?

«Антыдэпрэсанты не выклiкаюць прывыкання i залежнасцi». Як перамагчы трывогу i дэпрэсiўны настрой?

Расказаў урач-псiхiятр-нарколаг мiнскага гарадскога клiнiчнага псiхiятрычнага дыспансера Iгар Сарокiн.

Грамадства

Прыехаць за 30 хвiлiн. Як у аварыйных выпадках павiнны рэагаваць камунальнiкi

Прыехаць за 30 хвiлiн. Як у аварыйных выпадках павiнны рэагаваць камунальнiкi

У Беларусi дзейнiчае такi дакумент, як «Тэхнiчная эксплуатацыя жыллёвых i грамадскiх будынкаў i збудаванняў. Парадак правядзення».