Вы тут

Магілёўскія вірусолагі правяраюць за суткі 300-400 проб на каранавірус


У прафiлактычнай барацьбе з каранавiрусам актыўны ўдзел бяруць прадпрыемствы, арганiзацыi i санэпiдслужба Магiлёўскай вобласцi.


У рэжыме нон-стоп працуюць у гэтыя днi магiлёўскiя вiрусолагi, якiя праводзяць тэсты на наяўнасць каранавiруса. За суткi яны правяраюць 300—400 проб з Магiлёўскай i Вiцебскай абласцей.

— Хоць рэальна тыя два ПЦР-комплексы, якiя ёсць у нас на ўзбраеннi, могуць апрацаваць за суткi 130—150 проб, — кажа загадчыца лабараторнага аддзела Магiлёўскага абласнога цэнтра гiгiены, эпiдэмiялогii i грамадскага здароўя Раiса Болсун. — Iншымi словамi, на працягу чатырох з паловай гадзiн можна даведацца вынiк толькi па 66 тэстах, а iх у разы больш. Але мы спраўляемся. Аддзел перайшоў на кругласутачную работу, задзейнiчаны ўвесь урачэбны i сярэднi персанал лабараторыi. Нашы вiрусолагi працуюць на мяжы сваiх магчымасцяў. Хочацца, каб i людзi ставiлiся да нас з паразуменнем i не прыспешвалi з вынiкамi.

Тэсты на каранавiрус Магiлёўскi абласны цэнтр гiгiены, эпiдэмiялогii i грамадскага здароўя праводзiць з 21 сакавiка, i, па словах загадчыцы лабараторнага аддзела, яшчэ нiводны тэст на наяўнасць гэтага небяспечнага вiруса не пацвердзiўся.

Мiж тым два буйныя прадпрыемствы вобласцi сёння працуюць на забеспячэнне ўнутранага рынку медыцынскiмi маскамi.

— За два месяцы мы зрабiлi каля 700 тысяч адзiнак гэтай прадукцыi, — паведамiла намеснiк генеральнага дырэктара па продажы ААТ «Стужка» Iнеса Сцяпанчыкава. — Гэта чатырохслойныя павязкi шматразовага выкарыстання — пахадзiў у масцы, памыў, папрасаваў i зноў карыстайся. На рынак мы iх пастаўляем праз крамы «Медтэхнiкi», «Фармацыi» i сеткi камерцыйных аптэк.

Бабруйскае прадпрыемства «Славянка» — буйны вытворца адзення для дзяцей i дарослых — сёння таксама вырабляе ў суткi 150 тысяч марлевых масак. Як растлумачылi на прадпрыемстве, вырабляць гэтыя сродкi гiгiены тут пачалi яшчэ ў пачатку лютага. I попыт расце.

Новы антысептык распрацаваў Бабруйскi завод бiятэхналогiй. Лiцэнзiю на выраб антысептычнай прадукцыi завод атрымаў яшчэ некалькi гадоў таму, але попыт на яе вырас менавiта ў сувязi з каранавiрусам. З сакавiка лiнiя працуе на поўную магутнасць, сёння на ўнутраны рынак краiны кожныя суткi вырабляецца 8 тысяч лiтраў антысептыка «Чыстыя ручкi».

— Заказваюць у асноўным арганiзацыi, частку рэалiзуем праз сваю гандлёвую сетку, — паведамiў намеснiк дырэктара па iнавацыйнай дзейнасцi Уладзiмiр Мацюшэўскi. — Гель на 65 % складаецца са спiрту. Гэтага дастаткова, каб змагацца са шкодным вiрусам.

У Магiлёве i Бабруйску таксама арганiзавана работа гарачых лiнiй па пытаннях прафiлактыкi каранавiруснай iнфекцыi — 8 (0225) 71-58-31, 8 (0222) 63-53-60 (кругласутачна), 8 (0222) 33-18-68 (штодня з 8.00 да 18.00). Працуюць, акрамя таго, гарачыя лiнii цэнтраў сацыяльнага абслугоўвання насельнiцтва i БРСМ.

Медыкi i эпiдэмiёлагi заклiкаюць абмяжоўваць наведванне месцаў масавага збору людзей (грамадскi транспарт, крамы, аптэкi i гэтак далей), асаблiва ў гадзiны пiк — з 7.30 да 9.00 i з 17.00 да 18.30.

Нэлi ЗIГУЛЯ

Прэв'ю: mynorthwest.com

Загаловак у газеце: Тэсты пакуль выключна адмоўныя

Выбар рэдакцыі

Грамадства

Валанцёры супраць каранавіруса: адзін дзень з жыцця мінскага хаба ByCovid19

Валанцёры супраць каранавіруса: адзін дзень з жыцця мінскага хаба ByCovid19

Запушчаная кампанія па дапамозе медыкам ByCovid19 перарасла ў буйны «антыкаранавірусны» рух.

Культура

Кіназнаўца Мiкалай Iзволаў: На маёй памяцi адкрыццё такога маштабу здарылася ўпершыню

Кіназнаўца Мiкалай Iзволаў: На маёй памяцi адкрыццё такога маштабу здарылася ўпершыню

Гэта была сенсацыя: у 2018 годзе быў паказаны страчаны фiльм Дзiгi Вертава.

Грамадства

Спрыяльнае навакольнае асяроддзе ствараецца там, дзе над гэтым працуюць на месцах — у гарадскіх мікрараёнах ці на вясковых падворках і вуліцах

Спрыяльнае навакольнае асяроддзе ствараецца там, дзе над гэтым працуюць на месцах — у гарадскіх мікрараёнах ці на вясковых падворках і вуліцах

Маленькі прынц у аднайменнай казцы кожны дзень пачынаў з таго, што прыводзіў у парадак сваю планету. 

Калейдаскоп

Вясёлыя гісторыі чытачоў

Вясёлыя гісторыі чытачоў

Чым бы дзіця ні цешылася, абы не плакала. Пажадана, каб нікога да слёз не даводзіла. Але ж бывае па-іншаму.