Вы тут

Тэорыя выпрабоўваецца практыкай


У краiне працягваецца комплексная праверка баявой i мабiлiзацыйнай гатоўнасцi Узброеных Сiл. Падчас яе палявы выхад праводзiцца з падраздзяленнямi 60-га асобнага палка сувязi. Ён мае на мэце ўдасканалiць узровень палявой вывучкi i зладжанасцi пры выкананнi задач па прызначэннi ў розных умовах.


— Асаблiвая ўвага падчас заняткаў удзяляецца асваенню вайскоўцамi сучасных лiчбавых сродкаў сувязi, — зазначылi ў абаронным ведамстве. — Напрыклад, дзве машыны мабiльнага комплексу «Мускат» замяняюць сабой сама меней шэсць апаратных старога парка. А якасць сувязi адпавядае ўсiм сучасным патрабаванням па мабiльнасцi, схаванасцi, абароненасцi i надзейнасцi. Усе працэсы арганiзацыi i ўстанаўлення сувязi цалкам аўтаматызаваны.

Напрыканцы выхаду сувязiстаў чакае кантрольны занятак па тактыка-спецыяльнай падрыхтоўцы. Кiраваць iм будзе начальнiк сувязi Узброеных Сiл — начальнiк упраўлення сувязi Генеральнага штаба Узброеных Сiл Алег Мiшчанка.

Палявы выхад праходзiць у гэтыя днi i ў 1-м зенiтным ракетным палку Ваенна-паветраных сiл i войскаў процiпаветранай абароны. Ён мае на мэце ўдасканаленне палявой вывучкi i манеўраных магчымасцяў дывiзiёна i набыццё практычных навыкаў камандзiрамi батарэй. А ў складанай радыёэлектроннай абстаноўцы будзе праверана зладжанасць разлiкаў падчас адбiцця ўдараў з паветра.

Падчас выхаду вайскоўцы адпрацоўваюць некалькi пытанняў. Сярод iх — здзяйсненне маршу, перавод тэхнiкi ў баявое становiшча, арганiзацыя аховы, iнжынернага i тылавога забеспячэння, а таксама радыяцыйнай, хiмiчнай i бiялагiчнай абароны. Шмат увагi звернута на тое, як на практыцы выконваюцца нарматывы па тактычнай, тактыка-спецыяльнай i спецыяльнай падрыхтоўцы ў складзе разлiкаў.

— Палявы выхад дапаможа павысiць палявую вывучку i зладжанасць падраздзялення, дасць вайскоўцам магчымасць атрымаць вопыт у выкананнi функцыянальных абавязкаў, — падкрэслiлi ў Мiнiстэрстве абароны.

Валяр'ян ШКЛЕННIК

Выбар рэдакцыі

Грамадства

Без памылак нельга рухацца наперад, або Чаму попыт i прапанова пакуль не заўсёды супадаюць

Без памылак нельга рухацца наперад, або Чаму попыт i прапанова пакуль не заўсёды супадаюць

Давайце разам прыгадаем свае першыя крокi ў школе. Што кажа дзецям настаўнiк?

Спорт

Кiнуць выклiк лёсу. Чым жыве паралiмпiйскi спорт у Беларусi

Кiнуць выклiк лёсу. Чым жыве паралiмпiйскi спорт у Беларусi

Як беларусы рыхтуюцца да галоўных стартаў i як развiваецца паралiмпiйскi рух.

Эканоміка

Маладых спецыялістаў у сельскай гаспадарцы вабяць не толькі жыллё і зарплата

Маладых спецыялістаў у сельскай гаспадарцы вабяць не толькі жыллё і зарплата

У сельгаскааператыве «Ніва-2003» Гродзенскага раёна цяпер працуе ажно 11 маладых спецыялістаў.