Вы тут

Што часцей за ўсё набываюць на Гродзеншчыне ў «Белкнiзе»?


У сiстэме кнiжнага гандлю ААТ «Белкнiга» 101 кнiгарня. З iх 12 — у Гродне i Гродзенскай вобласцi. Акрамя таго, што кнiгарнi працуюць у абласным цэнтры, ёсць яшчэ крамы ў Лiдзе, Ваўкавыску, Шчучыне, Бярозаўцы (гэта Лiдскi раён) i Слонiме (летась была адчынена крама «Санет» — якраз напярэдаднi Дня беларускага пiсьменства).


ААТ «Белкнiга» вырашыла падвесцi вынiкi рэйтынга кнiг, якiя карыстаюцца найбольшым попытам менавiта ў кнiгарнях гродзенскага фiлiяла галоўнай гандлёвай сеткi дзяржаўнага кнiжнага гандлю. Што ж часцей за ўсё набываюць у Гродне i Гродзенскай вобласцi? На гэта пытанне адказвае генеральны дырэктар ААТ «Белкнiга» Аляксандр ВАШКЕВIЧ:

— Часцей за ўсё пакупнiкi, аматары кнiжнага чытання, набывалi на Гродзеншчыне фiлакартычны альбом Уладзiмiра Лiхадзедава «Слонiм. Падарожжа ў часе», у якiм змешчана процьма рэпрадукцый старых паштовак. Гэта вядомы праект з серыi «У пошуках страчанага», якi выходзiць ужо цi не другое дзесяцiгоддзе i сёння налiчвае дваццаць пяць цi нават болей тамоў. На другiм месцы — выдадзены мiнскiм выдавецтвам «Папуры» раман класiка беларускай лiтаратуры Уладзiмiра Караткевiча «Хрыстос прызямлiўся ў Гароднi (Евангелле ад Iуды)».

Каменцiраваць наўрад цi што варта. Ясна адно: гродзенцы i вiзуальна, i ў чытаннi — на баку добрай, асветнiцкай лiтаратуры. Такi прыклад не можа не радаваць.

Сяргей Шычко

Прэв'ю: finance.kz

Загаловак у газеце: Слонiмскiя паштоўкi i Хрыстос у Гароднi

Выбар рэдакцыі

Грамадства

Валанцёры супраць каранавіруса: адзін дзень з жыцця мінскага хаба ByCovid19

Валанцёры супраць каранавіруса: адзін дзень з жыцця мінскага хаба ByCovid19

Запушчаная кампанія па дапамозе медыкам ByCovid19 перарасла ў буйны «антыкаранавірусны» рух.

Культура

Кіназнаўца Мiкалай Iзволаў: На маёй памяцi адкрыццё такога маштабу здарылася ўпершыню

Кіназнаўца Мiкалай Iзволаў: На маёй памяцi адкрыццё такога маштабу здарылася ўпершыню

Гэта была сенсацыя: у 2018 годзе быў паказаны страчаны фiльм Дзiгi Вертава.

Грамадства

Спрыяльнае навакольнае асяроддзе ствараецца там, дзе над гэтым працуюць на месцах — у гарадскіх мікрараёнах ці на вясковых падворках і вуліцах

Спрыяльнае навакольнае асяроддзе ствараецца там, дзе над гэтым працуюць на месцах — у гарадскіх мікрараёнах ці на вясковых падворках і вуліцах

Маленькі прынц у аднайменнай казцы кожны дзень пачынаў з таго, што прыводзіў у парадак сваю планету. 

Калейдаскоп

Вясёлыя гісторыі чытачоў

Вясёлыя гісторыі чытачоў

Чым бы дзіця ні цешылася, абы не плакала. Пажадана, каб нікога да слёз не даводзіла. Але ж бывае па-іншаму.