Вы тут

Адбылася тэлефонная размова Прэзiдэнта Беларусi i прэм’ер-мiнiстра Арменii


З iнiцыятывы армянскага боку адбылася тэлефонная размова Прэзiдэнта Беларусi i прэм’ер-мiнiстра Арменii. Аляксандр Лукашэнка i Нiкол Пашынян абмеркавалi пытаннi функцыянавання эканомiкi ў iснуючых няпростых умовах, адзначыўшы наяўныя сур’ёзныя праблемы i складанасцi, паведамляе прэс-служба Прэзiдэнта.


Бакi абмянялiся думкамi адносна цэн на вуглевадароды, якiя i Беларусь, i Арменiя iмпартуюць з Расii. Аляксандр Лукашэнка i Нiкол Пашынян канстатавалi завышаны ўзровень цэн на прыродны газ, адзначыўшы, што яны, вiдавочна, не адпавядаюць сусветнаму ўзроўню i сiтуацыi, якая складваецца ў цэлым.

Асобнай тэмай гутаркi стала функцыянаванне сiстэм аховы здароўя i процiдзеянне распаўсюджванню сезонных вострых вiрусных iнфекцый.

Таксама ў сувязi з iснуючым становiшчам Прэзiдэнт Беларусi i прэм’ер-мiнiстр Арменii абмеркавалi магчымасць сустрэчы кiраўнiкоў дзяржаў ЕАЭС для абмеркавання ўзнiклых эканамiчных выклiкаў. З iнiцыятывай аб правядзеннi такой сустрэчы выступiў Аляксандр Лукашэнка як лiдар краiны, якая старшынствуе ў Еўразiйскiм эканамiчным саюзе. Кiраўнiк нашай дзяржавы падкрэслiў наяўнасць неадкладных пытанняў, якiя патрабуюць дэталёвага абмеркавання на вышэйшым узроўнi.

У развiццё размовы беларускi лiдар даў даручэнне старшынi Калегii ЕЭК Мiхаiлу Мяснiковiчу прапрацаваць гэтае пытанне з кожным з бакоў i давесцi да iх абмеркаваныя пазiцыi. У выпадку згоды кiраўнiкоў дзяржаў Беларусь прапануе правесцi сустрэчу ў выключна вузкiм складзе, гарантаваўшы поўную бяспеку кожнаму з членаў дэлегацый. Альтэрнатыўным варыянтам правядзення гэтага абмеркавання, на думку беларускага боку, можа стаць вiдэаканферэнцыя з удзелам лiдараў Еўразiйскага эканамiчнага саюза.

Варвара Марозава

Прэв'ю: mcn.cnews.ru

Загаловак у газеце: Аб эканомiцы i ахове здароўя

Выбар рэдакцыі

Грамадства

У Гродне жыхары кватэр адмовіліся падчас капітальнага рамонту здымаць аздабленне з балконаў. На іх падалі ў суд

У Гродне жыхары кватэр адмовіліся падчас капітальнага рамонту здымаць аздабленне з балконаў. На іх падалі ў суд

Такога кшталту справа ў судзе Кастрычнiцкага раёна Гродна разглядаецца ўпершыню.

Грамадства

Iмплантацыя зубоў: цi ёсць падставы для страху i сумненняў?

Iмплантацыя зубоў: цi ёсць падставы для страху i сумненняў?

Урачы папярэджваюць: нават калi з нейкiх прычын прыйшлося выдалiць адзiн зуб, яму патрэбная замена. 

Калейдаскоп

Вясёлыя гісторыі нашых чытачоў

Вясёлыя гісторыі нашых чытачоў

Праўду кажуць: няма лесу без ваўка, а сяла без злодзея.

Грамадства

«Лепшы цюнінг для машын — правільны пратэктар шын»

«Лепшы цюнінг для машын — правільны пратэктар шын»

Менавіта пад такім слоганам будзе праводзіцца Рэспубліканская прафілактычная акцыя, якая ініцыяваная на нашых дарогах Дзяржаўтаінспекцыяй краіны.