Вы тут

Практычна ўсе айчынныя спартсмены вярнулiся ў Беларусь


Пра гэта расказаў прэс-сакратар Мiнiстэрства спорту i турызму Уладзiмiр Несцяровiч. Яшчэ тыдзень таму на зборах у розных кутках планеты знаходзiлася каля 100 беларускiх атлетаў.


30 сакавiка з Расii вярнулiся 16 лёгкаатлетаў, 31-га — яшчэ 13, пасля чаго за межамi Беларусi засталiся толькi сем спартсменаў. Шэсць з iх знаходзяцца ў планавым адпачынку на тэрыторыi Расii, адзiн праходзiць навучанне ў ЗША.

Усе, хто прыбывае з-за мяжы, праходзяць праверку на наяўнасць каранавiруса, пасля чаго адпраўляюцца на двухтыднёвы каранцiн. На цяперашнi момант, па словах прадстаўнiка Мiнiстэрства спорту i турызму, вызначаны чатыры базы, дзе прадугледжаны санiтарна-эпiдэмiчны рэжым, медыцынская рэабiлiтацыя i назiранне за спартыўнымi дэлегацыямi. Выезды за мяжу на вучэбна-трэнiровачныя зборы i спаборнiцтвы часова забароненыя. Зараз у Беларусi для спартсменаў створаны ўсе неабходныя ўмовы для якаснага трэнiровачнага працэсу, таму праблем з падрыхтоўкай да спаборнiцтваў няма. Спартыўная iнфраструктура дазваляе праводзiць паўнавартасныя заняткi.

Адзначым: на сённяшнi дзень 72 беларускiя атлеты, якiя прадстаўляюць 15 вiдаў спорту, выканалi квалiфiкацыйныя патрабаваннi i нарматывы, якiя даюць права выступаць на Алiмпiядзе ў Токiа. Пакуль адборачныя турнiры да Гульняў прыпыненыя ў сувязi з распаўсюджаннем COVID-19, а пасля iх аднаўлення беларусы маюць намер заваяваць яшчэ некалькi дзясяткаў алiмпiйскiх квот.

Тым часам

Экс-першая ракетка свету, трохразовы пераможца Кубка свету, шасцiразовы чэмпiён Еўропы ў розных разрадах па настольным тэнiсе Уладзiмiр Самсонаў пералiчыў 10 000 еўра на дабрачынны рахунак для дапамогi беларускiм медустановам у барацьбе з каранавiрусам.

Дар’я Лабажэвiч

Прэв'ю: news.sportbox.ru

Выбар рэдакцыі

Грамадства

Валанцёры супраць каранавіруса: адзін дзень з жыцця мінскага хаба ByCovid19

Валанцёры супраць каранавіруса: адзін дзень з жыцця мінскага хаба ByCovid19

Запушчаная кампанія па дапамозе медыкам ByCovid19 перарасла ў буйны «антыкаранавірусны» рух.

Культура

Кіназнаўца Мiкалай Iзволаў: На маёй памяцi адкрыццё такога маштабу здарылася ўпершыню

Кіназнаўца Мiкалай Iзволаў: На маёй памяцi адкрыццё такога маштабу здарылася ўпершыню

Гэта была сенсацыя: у 2018 годзе быў паказаны страчаны фiльм Дзiгi Вертава.

Грамадства

Спрыяльнае навакольнае асяроддзе ствараецца там, дзе над гэтым працуюць на месцах — у гарадскіх мікрараёнах ці на вясковых падворках і вуліцах

Спрыяльнае навакольнае асяроддзе ствараецца там, дзе над гэтым працуюць на месцах — у гарадскіх мікрараёнах ці на вясковых падворках і вуліцах

Маленькі прынц у аднайменнай казцы кожны дзень пачынаў з таго, што прыводзіў у парадак сваю планету. 

Калейдаскоп

Вясёлыя гісторыі чытачоў

Вясёлыя гісторыі чытачоў

Чым бы дзіця ні цешылася, абы не плакала. Пажадана, каб нікога да слёз не даводзіла. Але ж бывае па-іншаму.