Факультэты правядуць прамыя трансляцыі, тэлефонныя “гарачыя лініі” і актывізуюць стасункі ў афіцыйных акаўнтах сацыяльных сетак.
Юрыдычны і фізічны факультэты, Інстытут тэалогіі імя святых Мяфодзія і Кірыла арганізуюць анлайн-сувязь 2 красавіка, а абітурыенты эканамічнага факультэта, факультэта журналістыкі і Міжнароднага дзяржаўнага экалагічнага інстытута імя А.Д. Сахарава змогуць у такім жа рэжыме задаць пытанні 4 красавіка.
Факультэт міжнародных адносін (ФМА) арганізаваў акцыю “Гадзіна абітурыента”. У яе рамках запланаваны шэраг трансляцый на платформе YouTube, прысвечаных пытанням паступлення і навучання на канкрэтнай спецыяльнасці. Бліжэйшая анлайн-сустрэча адбудзецца 4 красавіка – гэта будзе прэзентацыя спецыяльнасці "Сусветная эканоміка”.
Будучых студэнтаў факультэта прыкладной матэматыкі і інфарматыкі запрашаюць прыняць удзел у анлайн-дыялогу. Задаць пытанні можна ў любы час па электроннай пошце: dod.fpmi@bsu.by. Адказы апублікуюць 3 красавіка на сайце падраздзялення.
Філалагічны факультэт прымае пытанні ў групе ў “УКантакце”. Рубрыка вядзецца на працягу двух гадоў і змяшчае адказы на распаўсюджаныя звароты абітурыентаў. Акрамя таго, для старшакласнікаў факультэт 4 красавіка правядзе прамую анлайн-трансляцыю.
Інфармацыю пра паступленне можна даведацца, патэлефанаваўшы па тэлефонах "гарачых ліній” факультэтаў: 2 красавіка - даўніверсітэцкай адукацыі (+375 (17) 2840083, +375 (17) 2840008), філасофіі і сацыяльных навук (+375 (17) 2597406, +375 (17) 2597044), біялагічнага (+375 (17) 2095900), гістарычнага (+375 (17) 2095598, +375 (17) 2095412), (+375 (17) 3276367), Юрыдычнага каледжа (+375 (17) 3971282). 4 кастрычніка -- геаграфіі і геаінфарматыцы (+375 (17) 2095484, +375 (17) 2095257), Інстытута бізнесу (+375 (17) 3060020).
З падрабязнай інфармацыяй пра фармат і час правядзення Дзён адкрытых дзвярэй у анлайн-рэжыме можна азнаёміцца на сайтах факультэтаў БДУ.
Між іншым, Ліцэй БДУ размясціў на сваім сайце відэа з Дня адкрытых дзвярэй, які праходзіў таксама ў анлайн-рэжыме.
У ім можна знайсці інфармацыю аб навучальных профілях, падрыхтоўцы да ўступных іспытаў, умовах пражывання ў інтэрнаце і іншых важных для абітурыентаў пытаннях.
Надзея НІКАЛАЕВА
Інтэрв'ю з алімпійскім чэмпіёнам па фехтаванні.
Прафесійна, аператыўна, па-добраму.