У Мінску затрыманы мужчына, якi ўцягваў дзяўчат у заняцце прастытуцыяй, паведамілі ў ГУУС Мінгарвыканкама.
"Паводле аператыўнай інфармацыі, 36-гадовы мінчанін на працягу года знаёміўся ў сацсетках з дамамі і прапаноўваў ім працу па аказанні інтым-паслуг. Калі дзяўчаты згаджаліся, мужчына браў усю арганізацыйную працу на сябе. Ён запаўняў анкеты на спецыялізаваных сайтах, арандаваў кватэры, а таксама ад імя дзяўчат перапісваўся з кліентамі. 25% ад сумы - менавіта столькі дамы павінны былі аддаць свайму "наймальніку" за прадстаўленыя паслугі", - распавялі ў міліцыі.
Праваахоўнікі затрымалі мужчыну дома, пасля таго як ён забраў даходы ад злачыннай дзейнасці. "Мінчанін прызнаўся, што між іншым ён катэгарычна забараняў дзяўчатам зацяжарваць. У такіх выпадках усталёўваліся штрафы: першая цяжарнасць - 6 базавых велічынь, наступная - 12 базавых", - адзначылі ў ГУУС.
Працавалі на мінчаніна шэсць дзяўчын ва ўзросце ад 22 да 27 гадоў.
Матэрыялы праверкі перададзеныя ў Фрунзенскі (г. Мінска) РАУС, дзе дзеянням мужчыны дадзена прававая ацэнка.
У парадку дня — зацвярджэнне Канцэпцыі нацбяспекі і Ваеннай дактрыны.
Фіналістка праекта «Акадэмія талентаў» на АНТ — пра творчасць і жыццё.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.