Вы тут

Што хвалюе жыхароў Магілёўшчыны?


Больш за дваццаць пытанняў паступiла на суботнюю прамую лiнiю, якую правяла намеснiк старшынi Магiлёўскага абласнога Савета дэпутатаў Iрына Раiнчык.


Амаль палову заяўнiкаў турбавалi праблемы ў галiне ЖКГ, iншыя пытаннi датычылiся сферы аховы здароўя, гандлю i спажывецкага рынку, працы i занятасцi насельнiцтва, архiтэктуры, будаўнiцтва, землеўпарадкавання, культуры, спорту i турызму. Вялiкую актыўнасць праявiлi магiляўчане, па некалькi тэлефонных званкоў прагучала з Бабруйска, Глуска i Асiповiч, па адным — з Быхава, Горак, Кiраўска, Клiчава, Крычава i Мсцiслаўскага раёна.

Магiляўчанка, напрыклад, выказала незадаволенасць тым, што непадалёк ад яе знаходзiцца бар з кругласутачным рэжымам работы. Каля дома, у тым лiку i на дзiцячай пляцоўцы, пастаянна збiраюцца шумныя кампанii, якiя парушаюць грамадскi парадак. Яна спадзяецца, што мясцовыя ўлады прымуць меры.

Жыхарка Быхава паведамiла, што ў доме, дзе яна жыве, працякае дах. Яна ўжо звярталася з гэтым пытаннем у райвыканкам, але праблему пакуль не атрымалася вырашыць.

— Некалькi чалавек, якiя патэлефанавалi да нас, — з лiку пастаянных, яны перыядычна з розных нагод звяртаюцца ў выканаўчыя органы, — паведамiла Iрына Раiнчык. — У цэлым пытаннi, што прагучалi гэтым разам, узятыя на кантроль i накiраваны для аператыўнага вырашэння. Вельмi прыемна было пачуць падзяку на адрас дэпутатаў Крычаўскага райсавета i непасрэдна яго старшынi Iрыны Пруднiкавай за тое, што яны бяруць актыўны ўдзел у навядзеннi парадку на зямлi.

Усяго гэтым разам на суботнiя прамыя лiнii ў абл-, гар- i райвыканкамы паступiла 84 звароты.

Нэлi ЗIГУЛЯ

Прэв'ю: Depositphotos.com

Загаловак у газеце: І пытаннi, i падзякi

Выбар рэдакцыі

Грамадства

Валанцёры супраць каранавіруса: адзін дзень з жыцця мінскага хаба ByCovid19

Валанцёры супраць каранавіруса: адзін дзень з жыцця мінскага хаба ByCovid19

Запушчаная кампанія па дапамозе медыкам ByCovid19 перарасла ў буйны «антыкаранавірусны» рух.

Культура

Кіназнаўца Мiкалай Iзволаў: На маёй памяцi адкрыццё такога маштабу здарылася ўпершыню

Кіназнаўца Мiкалай Iзволаў: На маёй памяцi адкрыццё такога маштабу здарылася ўпершыню

Гэта была сенсацыя: у 2018 годзе быў паказаны страчаны фiльм Дзiгi Вертава.

Грамадства

Спрыяльнае навакольнае асяроддзе ствараецца там, дзе над гэтым працуюць на месцах — у гарадскіх мікрараёнах ці на вясковых падворках і вуліцах

Спрыяльнае навакольнае асяроддзе ствараецца там, дзе над гэтым працуюць на месцах — у гарадскіх мікрараёнах ці на вясковых падворках і вуліцах

Маленькі прынц у аднайменнай казцы кожны дзень пачынаў з таго, што прыводзіў у парадак сваю планету. 

Калейдаскоп

Вясёлыя гісторыі чытачоў

Вясёлыя гісторыі чытачоў

Чым бы дзіця ні цешылася, абы не плакала. Пажадана, каб нікога да слёз не даводзіла. Але ж бывае па-іншаму.