Вы тут

Белтэлерадыёкампанiя здымае новую серыю ролікаў «Беларусь памятае»


У Вялiкай Айчыннай вайны шмат старонак, i кожная мае пункты на карце, гiсторыi перамог i страт, iмёны герояў i ўспамiны пра ўсё, што адбылося. I сёння, напярэдаднi святкавання 75-годдзя Вялiкай Перамогi, так усцешна адзначаць, што не страчана сувязь пакаленняў, якая грунтуецца на памяцi пра той страшны час i пра тых мужных людзей... Своеасаблiвай данiнай памяцi з'яўляецца i праект Агенцтва тэленавiн Белтэлерадыёкампанii «Беларусь памятае». Нядаўна здымачная група распачала работу над новай серыяй ролiкаў. Цяпер гледачоў чакае шэраг незабыўных гiсторый, якiя чарговы раз нагадваюць нам пра непарыўнасць мiнулага i сённяшняга.


Калi ў папярэднiх вiдэа аўдыторыя магла пазнаёмiцца з падзеямi, што адбывалiся на фронце, i з лёсамi людзей, якiя жылi на акупаваных тэрыторыях падчас Вялiкай Айчыннай вайны, то ў новым цыкле ракурсы i лакацыi зменяцца. Распачалi «напiсанне» новых аповедаў у Валожыне. Тут на плошчы Свабоды ў парку ёсць мемарыяльны комплекс, дзе ўшанавана памяць воiнаў Вялiкай Айчыннай i воiнаў-iнтэрнацыяналiстаў вайны ў Афганiстане.

— Наш праект «Беларусь памятае» раней выходзiў у фармаце, у цэнтры якога была гiсторыя чалавека. Яе мы паказвалi з выкарыстаннем рознай графiкi, спецэфектаў. Там у нас здымалiся родныя ветэранаў. А новы цыкл больш мае акцэнт на тым, каб паказаць памятныя мясцiны Вялiкай Айчыннай вайны. Калi раней мы паказвалi i гаварылi, што трэба памятаць тыя часы i тых людзей, то цяпер дэманструем, як захоўваюць памяць на самай справе. Нам удалося адшукаць цiкавыя месцы, пра некаторыя з якiх, магчыма, увогуле мала хто ведае, — дзелiцца дырэктар здымачнай групы праекта Палiна Лушчык.

Як адзначаюць яго стваральнiкi, цыкл будзе ўключаць у сябе шэсць новых ролiкаў. Здымкi прайшлi ў Валожыне, а плануюцца ў Мiнскiм i Дзяржынскiм раёнах. Адбiралi лакацыi, можна сказаць, правераныя — тыя, якiя самi журналiсты АТН цi iх калегi ведаюць з дзяцiнства або ад знаёмых i пра якiя хочацца расказаць. Бо часта здараецца так, што адны населеныя пункты i iх гiсторыю часоў вайны мы згадваем амаль штораз, а пра iншыя даведваемся выпадкова — дзякуючы такiм вось гiсторыям з экрана альбо з iншых крынiц. Так, напрыклад, у Дзяржынскiм раёне ёсць вёска Лiтавец — яна з лiку тых, якiя былi ў гады вайны спалены разам з жыхарамi i не адрадзiлiся. Тут загiнула 196 чалавек, i 58 з iх былi дзецi.

Цяпер кожны мiнi-фiльм — гэта гiсторыя пра непарыўную сувязь мiнулага i сучаснасцi. I трымаецца яна на тым, што жыццё працягваецца, а памяць пра пакаленне, якое адстаяла ў змаганнях з ворагам мiрнае неба для кожнага, шануецца i захоўваецца намi i нашымi дзецьмi. Знятая ў Валожыне мiнi-гiсторыя якраз i дэманструе тыя пункцiры паўсядзённай рэчаiснасцi, у якiх хаваецца глыбокi сэнс. Вось ён — помнiк з iмёнамi салдат, якiя не вярнулiся дадому. Але вернуцца да сваiх родных ветэранаў, хлопец на скейце i пiянеры, якiя сёння трымалi вахту памяцi каля брацкай магiлы ў памяць усiх загiнулых на той жудаснай вайне...

Новыя ролiкi з цыкла «Беларусь памятае» будуць выходзiць у эфiры «Беларусь 1». А знятыя раней мiнi-фiльмы ёсць у доступе на афiцыйным YоuTubе-канале Агенцтва тэленавiн.

Алена ДРАПКО

Фота Белтэлерадыёкампанii

Выбар рэдакцыі

Грамадства

Як кадравыя агенцтвы падманваюць даверлівых грамадзян

Як кадравыя агенцтвы падманваюць даверлівых грамадзян

Калі ў кадравым агенцтве вам прапануюць заплаціць грошы і гарантуюць стапрацэнтнае працаўладкаванне, смела разварочвайцеся і сыходзьце: перад вамі, напэўна, ашуканцы.

Грамадства

Прыродныя антыбіётыкі: Лекі, якія дапамагаюць перамагчы інфекцыю і ўмацоўваюць ахоўныя ўласцівасці арганізма

Прыродныя антыбіётыкі: Лекі, якія дапамагаюць перамагчы інфекцыю і ўмацоўваюць ахоўныя ўласцівасці арганізма

У адрозненне ад «хімічных антыбіётыкаў», прыродныя лекі не толькі дапамагаюць перамагчы інфекцыю, але і ўмацоўваюць ахоўныя ўласцівасці арганізма.

Калейдаскоп

Усходні гараскоп на наступны тыдзень

Усходні гараскоп на наступны тыдзень

СКАРПІЁН. На гэтым тыдні традыцыйны падыход да вырашэння праблем не заўсёды будзе ўдалы.

Грамадства

Як дзейнічалі партызаны ва Усакінскім лесе на Клічаўшчыне

Як дзейнічалі партызаны ва Усакінскім лесе на Клічаўшчыне

Піша сын аднаго з партызан Генадзь Сахрай.