Яго дызайн адпавядае запытам сучаснага карыстальніка. Новая версія адрозніваецца лёгкім для ўспрымання інтэрфейсам і сучасным афармленнем з выкарыстаннем элементаў карпаратыўнага стылю і вялікай колькасці фота- і відэа-кантэнту.
У аснову пакладзена тэхналогія адаптыўнага дызайну, пры якой сайт карэктна адлюстроўваецца на любых прыладах. Пры гэтым усе старонкі характарызуюцца высокай хуткасцю загрузкі.
Абноўлены сайт валодае простай і зразумелай навігацыяй. Для камфортнага карыстання рэалізаваны кантэкстны пошук па сайце, персанальным старонках супрацоўнікаў, навінах, архівах асобных частак. У стужцы навін таксама ўжыты рубрыкатар. Кожнае паведамленне суправаджаецца некалькімі тэгамі, якія спрашчаюць пошук і дазваляюць групаваць навіны.
Сайт вылучаецца інтэрактыўнасцю кампанентаў. Напрыклад, на галоўнай старонцы меню прадстаўлена ў выглядзе слайдара. Тут вылучаны раздзелы для абітурыентаў, студэнтаў, супрацоўнікаў, партнёраў з ключавой інфармацыяй пра адукацыйную, навуковую, інавацыйную, міжнародную дзейнасць ВНУ з указаннем неабходнай кантактнай інфармацыі.
У цяперашні час сайт перакладзены на беларускую, рускую і англійскую мовы. Вядзецца праца над кітайскай версіяй. Таксама прадугледжана спецыяльная версія сайта для слабавідушчых карыстальнікаў.
Надзея НІКАЛАЕВА
Прэв'ю: bsu.by
Фіналістка праекта «Акадэмія талентаў» на АНТ — пра творчасць і жыццё.
Амаль тысяча дзвесце чалавек сабраліся, каб вырашаць найважнейшыя пытанні развіцця краіны.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
