З панядзелка ва Украіне робяць больш жорсткімі абмежаванні каранціну з-за каранавіруса. На вуліцу нельга выходзіць без дакументаў, а ў грамадскіх месцах уведзены «масачны рэжым», паведамляе РБК-Украіна.
Для барацьбы з распаўсюджваннем каранавіруса ўрад Украіны увёў шэраг дадатковых абмежаванняў, якія будуць дзейнічаць з 6 красавіка і да заканчэння карантыну.
Асноўныя забароны:
- знаходжанне ў грамадскіх месцах без сродкаў індывідуальнай абароны (маска, рэспіратар, у тым ліку вырабленыя самастойна);
- перасоўванне па вуліцы групай больш за 2-х чалавек, за выключэннем суправаджэння дзяцей альбо службовай неабходнасці;
- асобам да 14 гадоў забаронена знаходзіцца ў грамадскіх месцах без суправаджэння бацькоў, апекуноў або паўналетніх сваякоў;
- знаходжанне на вуліцы без дакументаў;
- наведванне спартыўных і дзіцячых пляцовак;
- наведванне паркаў, сквераў, зон адпачынку, лесапаркавых, прыбярэжных зон, за выключэннем неабходнасці выгулу хатніх жывёл адным чалавекам;
- наведванне ўстаноў паліятыўнай дапамогі, органаў сацыяльнай абароны насельніцтва;
- наведванне навучальных устаноў;
- правядзенне любых масавых мерапрыемстваў (культурных, спартыўных, рэлігійных, грамадскіх), за выключэннем мерапрыемстваў для забеспячэння работы органаў улады.
У Кабміне дапускаюць паслабленне каранціну ў канцы красавіка. Аднак гэта магчыма толькі пры ўмове зніжэння дынамікі захворвання.
Прэв'ю: planetanovosti.com