Вы тут

Гасцёўня для ШАС


У прыморскім горадзе Цындаа ўсходнекітайскай правінцыі Шаньдун пры строгім захаванні супрацьэпідэмічных правілаў інтэнсіўна ідзе ўзвядзенне выставачнага комплексу для Шанхайскай арганізацыі супрацоўніцтва (ШАС), перадае «Жэньмінь жыбаа» анлайн».


Комплекс будуецца ў рамках фарміравання ўзорна-паказальнай зоны міжрэгіянальнага гандлёва-эканамічнага супрацоўніцтва Кітай-ШАС у Цындаа, якое было ініцыявана Кітаем у чэрвені 2018 года на 18-м пасяджэнні Савета кіраўнікоў дзяржаў-членаў ШАС у Цындаа.

Як паведаміў супрацоўнік ўзорнай зоны Ван Хайбах, у асноўным завершана пракладка дарожных сетак вакол комплексу, выканана больш за палову работ па ўнутранай аддзелцы ў комплексе. Мяркуецца, што да канца сакавіка будзе здадзена ў эксплуатацыю асноўная функцыянальная частка комплексу, а ў чэрвені ён будзе ўведзены ў эксплуатацыю ў поўным аб’ёме.

Як стала вядома, выставачны комплекс таксама вобразна называецца «міжнародная гасцёўня для ШАС», яго плошча складзе больш за 30 тыс. кв. метраў. На яго першым паверсе будуць устаноўлены пастаянныя і часовыя выставачныя павільёны для арыгінальных тавараў краін ШАС, якія будуць абсталяваныя інтэлектуальнымі і інтэрактыўнымі тэхналогіямі.

Галоўныя функцыянальныя памяшканні будуць сканцэнтраваны на другім паверсе, дзе будуць уладкаваны залы для прэзентацый тавараў і дзелавых праектаў, інфармацыйныя цэнтры, а таксама эксклюзіўныя залы правядзення дзелавых перамоў для кожнай з краін-удзельніц ШАС. Гэтыя памяшканні будуць забяспечаны доступам сеткі 5G. На трэцім паверсе будуць размешчаны карпаратыўныя офісы і прадстаўніцтвы гандлёвых асацыяцый з краін ШАС. На чацвёртым паверсе будзе функцыянаваць платформа «Юрыдычная інтэлектуальная даліна», якая засяродзіцца на аказанні юрыдычнай дапамогі для гандлёва-эканамічнага супрацоўніцтва ў рамках ШАС.

Паводле статыстычных дадзеных, ва ўзорнай зоне было заключана каля 60 буйных дзелавых праектаў з агульным памерам інвестыцый у 46,9 млрд юаняў (6,7 млрд долараў), на этапе абмеркавання знаходзяцца 53 буйных інвестыцыйных праекта на агульную суму ў 107,8 млрд юаняў.

Выбар рэдакцыі

Грамадства

Спрыяльнае навакольнае асяроддзе ствараецца там, дзе над гэтым працуюць на месцах — у гарадскіх мікрараёнах ці на вясковых падворках і вуліцах

Спрыяльнае навакольнае асяроддзе ствараецца там, дзе над гэтым працуюць на месцах — у гарадскіх мікрараёнах ці на вясковых падворках і вуліцах

Маленькі прынц у аднайменнай казцы кожны дзень пачынаў з таго, што прыводзіў у парадак сваю планету. 

Калейдаскоп

Вясёлыя гісторыі чытачоў

Вясёлыя гісторыі чытачоў

Чым бы дзіця ні цешылася, абы не плакала. Пажадана, каб нікога да слёз не даводзіла. Але ж бывае па-іншаму.

Грамадства

«Дзякуй за вашу працу! Вы — героі на ўсе часы!»

«Дзякуй за вашу працу! Вы — героі на ўсе часы!»

Як працуюць з COVІD-пацыентамі дзіцячыя ўрачы.

Грамадства

Уступленне ў дарослае жыццё — як выхад у космас

Уступленне ў дарослае жыццё — як выхад у космас

Псiхолаг тлумачыць, чаму паўза пасля заканчэння школы — не трагедыя.