Усе турысты, якія куплялі пуцёўкі ў турфірмах, вярнуліся ў Беларусь, паведаміла дырэктар Дэпартамента па турызме Міністэрства спорту і турызму Ірына Варановіч. Пра гэта інфармуе прэс-служба ведамства.
"Па дадзеных тураператараў і турагентаў, на сёння беларускіх арганізаваных турыстаў за мяжой няма. Пэўныя праблемы былі пры вяртанні апошніх 6 чалавек - турыстаў з Тайланда, але яны ўчора ўжо вярнуліся ў Мінск", - распавяла Ірына Варановіч.
Што тычыцца самастойных турыстаў, якія арганізоўвалі свой адпачынак без дапамогі турфірмаў, то некаторыя з іх яшчэ застаюцца за мяжой. Іх дакладную колькасць складана назваць. Над іх вяртаннем працуе Міністэрства замежных спраў сумесна з іншымі дзяржаўнымі органамі.
Раней ведамства паведамляла, што за мяжой знаходзіліся 8 тысяч арганізаваных турыстаў.
Фіналістка праекта «Акадэмія талентаў» на АНТ — пра творчасць і жыццё.
Амаль тысяча дзвесце чалавек сабраліся, каб вырашаць найважнейшыя пытанні развіцця краіны.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.