У Беларусі — 1066 выпадкаў каранавіруса

Згодна з апублікаванымі Міністэрствам аховы здароўя дадзенымі, у Беларусі зарэгістравана 1066 выпадкаў каранавіруса. 

На стацыянарным лячэнні знаходзяцца 976 чалавек. У большай часткі пацыентаў захворванне працякае ў лёгкай ці сярэдняй форме. 33 пацыенты маюць патрэбу ў падтрымцы апарата штучнай вентыляцыі лёгкіх, ім праведзены медыцынскія кансіліумы з удзелам вядучых інфекцыяністаў і анестэзіёлагаў-рэаніматолагаў. 

Пасля праходжання лячэння выздаравелі 77 чалавек.

Новых выпадкаў смерці ад каранавіруснай інфекцыі за мінулыя суткі не зарэгістравана. Па апошніх дадзеных - колькасць смяротных зыходаў складае 13.

На партале stopcovid.belta.by даюцца і лічбы па рэгіёнах:

• Мінск: 601 шпіталізаваны, 45 выпісаныя, 5 памерлі;
• Мінская вобласць: 104 шпіталізаваны, 1 выпісаны, 3 памерлі;
• Віцебская вобласць: 200 шпіталізаваны, 30 выпісаныя, 5 памерлі;
• Магілёўская вобласць: 25 шпіталізаваны;
• Гомельская вобласць: 32 шпіталізаваны, 1 выпісаны;
• Брэсцкая вобласць: 3 шпіталізаваны
• Гродзенская вобласць: 11 шпіталізаваны.

Нагадаем, учора ў Беларусь прыбыла місія СААЗ.  Афіцыйная праца місіі пачалася сёння і працягнецца да суботы - 11 красавіка. 

Плануецца, што спецыялісты наведаюць установы аховы здароўя Мінска, а таксама Мінскай і Віцебскай абласцей.

Прэв'ю: europa.eu