Вы тут

У Брэсце пры пагрузцы жалезабетонных пліт загінуў рабочы


У Брэсце падчас пагрузачных работ смяротную траўму атрымаў 54-гадовы мужчына, паведаміў БелТА першы намеснік начальніка абласнога ўпраўлення Дэпартамента дзяржаўнай інспекцыі працы Васіль Бацук.


Няшчасны выпадак адбыўся раніцай 3 красавіка на вытворчай базе філіяла аднаго з будаўнічых прадпрыемстваў. Паводле папярэдніх дадзеных, у небяспечнай зоне працы казлавога крана апынуўся мантажнік будаўнічых канструкцый. Падчас страпоўкі грузу ён падняўся на штабель складаваных жалезабетонных пліт. Адна з іх, страціўшы ўстойлівасць, зрушылася, перакулілася і ўпала на мужчыну. Работнік атрымаў несумяшчальныя з жыццём траўмы.

У інспекцыі працы высвятляюць абставіны няшчаснага выпадку. У прыватнасці, спецыялісты ўсталююць, ці выконваліся патрабаванні пры складзіраванні пліт, тэхналогія бяспечнага правядзення пагрузачных работ і па якой прычыне мужчына быў дапушчаны ў зону працы крана.

Афіцыйны прадстаўнік абласнога УСК Дзмітрый Іванюк дадаў, што Брэсцкі міжраённы аддзел Следчага камітэта па гэтым факце праводзіць праверку. Следчыя забралі дакументацыю па ахове працы і службовыя інструкцыі. Прызначана судова-медыцынская экспертыза, якая ўсталюе дакладную прычыну смерці мужчыны.

Прэв'ю: Брэсцкі веснік

Выбар рэдакцыі

Грамадства

Стаўленне «выкарыстаў — выкiнуў» трэба мяняць на «адсарцiраваў — перапрацаваў»

Стаўленне «выкарыстаў — выкiнуў» трэба мяняць на «адсарцiраваў — перапрацаваў»

Пахаванне адходаў — самы просты i танны спосаб пазбавiцца ад iх, аднак ён шкодзiць наваколлю i здароўю чалавека.

Грамадства

Новы кантэнт для лета. Чым заняць дзяцей на 92 днi

Новы кантэнт для лета. Чым заняць дзяцей на 92 днi

У перыяд летніх канікулаў для школьнiкаў i студэнтаў падрыхтаваны розныя цiкавыя мерапрыемствы, у тым лiку шмат з iх — анлайн. 

Грамадства

З першых вуснаў: ад чаго трэба абараняць дзяцей? Адказваюць самі малыя

З першых вуснаў: ад чаго трэба абараняць дзяцей? Адказваюць самі малыя

Дзеці «звяздоўцаў» адказалі вусна, пісьмова, друкавана і нават у малюнках.