Вы тут

Першы этап бiзнес-гульнi «Пачынаючы фермер» пройдзе ў завочным фармаце


На тэрыторыi краiны яе арганiзуе грамадскае аб'яднанне «Беларускi рэспублiканскi саюз моладзi» пры падтрымцы Мiнiстэрства сельскай гаспадаркi i харчавання. Кансультатыўную дапамогу аказвае агульнарасiйская маладзёжная грамадская арганiзацыя «Расiйскi саюз сельскай моладзi».


Мэта гульнi — развiццё ва ўдзельнiкаў навыкаў бiзнес-планавання ў сельскай гаспадарцы, збору i аналiзу iнфармацыi, выпрацоўкi кiраўнiчых рашэнняў i ўмення працаваць у камандзе.

Да ўдзелу ў праекце дапускаюцца каманды да пяцi чалавек, у склад якiх уваходзiць саюзная моладзь ва ўзросце ад 14 да 31 года. Яны будуць спаборнiчаць у наступных катэгорыях: навучэнцы ўстаноў агульнай сярэдняй адукацыi, размешчаных у сельскай мясцовасцi; навучэнцы ўстаноў прафесiйна-тэхнiчнай адукацыi, сярэднiх спецыяльных навучальных устаноў аграрнай накiраванасцi (выпускных курсаў); студэнты, магiстранты i аспiранты ўстаноў вышэйшай адукацыi аграрнай накiраванасцi; маладыя людзi, якiя маюць вопыт вядзення асабiстай падсобнай гаспадаркi ад трох гадоў; прадпрымальнiкi, што вядуць сваю дзейнасць у сферы аграпрамысловага комплексу.

Гульня праводзiцца ў два этапы. Першы — на абласным узроўнi ў завочным фармаце да 30 красавiка. Этап уключае ацэнку наступных матэрыялаў: прэзентацыi бiзнес-iдэi ў форме слайд-шоу; рэкламнага плаката ў электронным выглядзе з выявай гандлёвай маркi прадукту, якi вырабляецца, лагатыпам фермерскай гаспадаркi i рэкламнага звароту.

Другi этап (нацыянальны (рэспублiканскi)) — вочная абарона праектаў перад нацыянальным экспертным саветам да 20 лiпеня. Ён уключае прэзентацыю бiзнес-iдэi ў фармаце слайд-шоу, конкурс «Дуэль», падчас якога прадстаўнiкi камандаў задаюць адно аднаму пытаннi ў галiне бiзнес-планавання, менеджменту, галiновых праграм краiны-ўдзельнiцы. Таксама будуць конкурсы блiц-адказаў на пытаннi рэспублiканскага экспертнага савета па бiзнес-плане i «Сiтуацыя». Падчас апошняга спаборнiцтва кожнай камандзе прапануецца бiзнес-сiтуацыя, у якой умоўны кiраўнiк фермерскай гаспадаркi i яго каманда павiнны прымаць рашэннi ў адпаведнасцi з заканадаўствам краiны. Яшчэ трэба будзе вырабiць рэкламны плакат у электронным выглядзе па ўмовах папярэдняга этапу.

Кожны конкурс ацэньваецца па пяцiбальнай шкале, пераможцы вызначаюцца па суме набраных балаў.

Камандам — пераможцам другога этапу для далейшага ўдзелу ў мiжнароднай бiзнес-гульнi «Пачынаючы фермер» неабходна зарэгiстравацца на сайце rssm.su да 31 лiпеня. Iх праекты павiнны быць прадстаўлены на дзвюх мовах — рускай i англiйскай.

Гульня праводзiцца на наступных кiрунках (намiнацыях): жывёлагадоўля, птушкагадоўля, рыбаводства i аквакультура, пчалярства, раслiнаводства, садаводства, ландшафтны дызайн, паляводства, агароднiнаводства, агратурызм, сельскагаспадарчая кааперацыя, свабодная тэма.

Пераможцы другога этапу гульнi запрашаюцца да ўдзелу ў трэцiм, якi пройдзе ў вераснi—кастрычнiку ў адным з суб'ектаў Расiйскай Федэрацыi.

Сяргей РАСОЛЬКА.

Фота носiць iлюстрацыйны характар.

Загаловак у газеце: Запрашае мiжнародны «Пачынаючы фермер»

Выбар рэдакцыі

У свеце

Барацьба з эпiдэмiяй у Пекiне: адлюстраванне ўзроўню мунiцыпальнага кiравання

Барацьба з эпiдэмiяй у Пекiне: адлюстраванне ўзроўню мунiцыпальнага кiравання

Да Кiтая ўвага ўсёй сусветнай супольнасцi прыкавана з розных прычын.

Грамадства

Кампазiтар Алег Елiсеенкаў: У нас з жонкай усё агульнае — i радасцi, i нягоды, i грошы

Кампазiтар Алег Елiсеенкаў: У нас з жонкай усё агульнае — i радасцi, i нягоды, i грошы

Са сваёй жонкай аўтар папулярных песень знаёмы амаль паўстагоддзя.

Грамадства

Збiраемся ў школу. У жнiўнi адна з галоўных задач мам i татаў — «экiпiроўка» дзяцей да 1 верасня

Збiраемся ў школу. У жнiўнi адна з галоўных задач мам i татаў — «экiпiроўка» дзяцей да 1 верасня

Першае i галоўнае правiла — яшчэ дома вызначыцеся з тым, што вам трэба.