Вы тут

МЗС пракаментаваў рашэнне ЕС аб дапамозе Беларусі для барацьбы з наступствамі каранавіруса


У бягучай сітуацыі Беларусь звярнулася з просьбай аб дадатковых сродках спецыяльна для фінансавання найбольш тэрміновых закупак для нашых медыцынскіх устаноў, а таксама ў мэтах мінімізацыі прагназуемых негатыўных эканамічных наступстваў глабальнага каранакрызіса. Пра гэта заявіў начальнік упраўлення інфармацыі і лічбавай дыпламатыі - прэс-сакратар МЗС Беларусі Анатоль Глаз, адказваючы на пытанне партала TUT.BY


- У нас з Еўрасаюзам, у прынцыпе, ужо на працягу многіх гадоў адпрацавана схема супрацоўніцтва ў сферы тэхнічнай дапамогі, мы разам плануем найбольш актуальныя сферы выкарыстання такіх сродкаў. Толькі па лініі аднаго з інструментаў - краінавай праграмы ЕС для Беларусі - мы атрымліваем штогод каля 30 млн. еўра. Дарэчы, гэта на парадак менш, чым большасць іншых краін-суседзяў ЕС.

Зараз Еўрасаюз прыняў рашэнне аб выдзяленні ў сувязі з пандэміяй каранавіруса мэтавай фінансавай дапамогі краінам Усходняга партнёрства, куды, як вядома, уваходзіць і Беларусь.

Таму лагічна, што ў бягучай сітуацыі мы звярнуліся з просьбай аб дадатковых сродках спецыяльна для фінансавання найбольш тэрміновых закупак для нашых медыцынскіх устаноў, а таксама ў мэтах мінімізацыі прагназуемых негатыўных эканамічных наступстваў глабальнага каранакрызіса.

Відавочна, што спад дзелавой актыўнасці ва ўсім свеце і ў той жа Еўропе, у прыватнасці, адаб'ецца на нашых прадпрыемствах. Таму для нас вельмі важна выкарыстаць усе магчымасці, каб максімальна падстрахавацца. Гэта работа вядзецца на ўзроўні ўрада, іншых профільных дзяржаўных органаў, прытым па розных напрамках.

З ЕС мы абмяркоўваем розныя формы і аб'ёмы такога садзейнічання. Нашы партнёры дэманструюць у гэтым пытанні высокую адкрытасць, што мы вельмі шануем. Аднак пра падрабязнасці гаварыць пакуль заўчасна.

Раней высокі прадстаўнік Еўрапейскага саюза па замежных справах і палітыцы бяспекі - віцэ-прэзідэнт Еўрапейскай камісіі Жозэп Барэль заявіў, што ЕС мае намер выдзеліць Беларусі 60 мільёнаў еўра на мэты аховы здароўя і эканомікі.

Прэв'ю: pinterest.com

Выбар рэдакцыі

Грамадства

Валанцёры супраць каранавіруса: адзін дзень з жыцця мінскага хаба ByCovid19

Валанцёры супраць каранавіруса: адзін дзень з жыцця мінскага хаба ByCovid19

Запушчаная кампанія па дапамозе медыкам ByCovid19 перарасла ў буйны «антыкаранавірусны» рух.

Культура

Кіназнаўца Мiкалай Iзволаў: На маёй памяцi адкрыццё такога маштабу здарылася ўпершыню

Кіназнаўца Мiкалай Iзволаў: На маёй памяцi адкрыццё такога маштабу здарылася ўпершыню

Гэта была сенсацыя: у 2018 годзе быў паказаны страчаны фiльм Дзiгi Вертава.

Грамадства

Спрыяльнае навакольнае асяроддзе ствараецца там, дзе над гэтым працуюць на месцах — у гарадскіх мікрараёнах ці на вясковых падворках і вуліцах

Спрыяльнае навакольнае асяроддзе ствараецца там, дзе над гэтым працуюць на месцах — у гарадскіх мікрараёнах ці на вясковых падворках і вуліцах

Маленькі прынц у аднайменнай казцы кожны дзень пачынаў з таго, што прыводзіў у парадак сваю планету. 

Калейдаскоп

Вясёлыя гісторыі чытачоў

Вясёлыя гісторыі чытачоў

Чым бы дзіця ні цешылася, абы не плакала. Пажадана, каб нікога да слёз не даводзіла. Але ж бывае па-іншаму.