Вы тут

Дастаўка лiтаральна да дзвярэй — у Прыдзвiннi


Нiякай панiкi сярод састарэлых, якiя жывуць у глыбiнцы, з-за распаўсюджвання COVID-19 няма. У Прыдзвiннi, як i ва ўсiх тэрытарыяльных цэнтрах сацыяльнага абслугоўвання краiны, гатовы аказаць дапамогу адзiнокiм састарэлым i iнвалiдам з дастаўкай дадому прадуктаў i лекаў.


Дома ў Марыi Герасiмаўны Мiхальчанка.

Дырэктар дзяржаўнай установы «Тэрытарыяльны цэнтр сацыяльнага абслугоўвання насельнiцтва Вiцебскага раёна» Кацярына Лазоўская адзначае, што на гарачую лiнiю цэнтра апошнiм часам звярнулiся тры чалавекi. Акрамя таго, 55 грамадзян проста патэлефанавалi ў аддзяленнi ўстановы — iм прывезлi прадукты i лекi.

А члены БРСМ задаволiлi заяўку аднаго з дваццацi двух ветэранаў Вялiкай Айчыннай, што жывуць у раёне. Мiхаiл Уладзiмiравiч Ратомскi з пасёлка Копцi папрасiў прывезцi мех зерня, каб кармiць курэй. 94-гадовы ветэран вайны актыўна займаецца прысядзiбнай гаспадаркай, у яго пяць сотак зямлi. На здароўе асаблiва не скардзiцца. Яму дапамагае весцi хатнiя справы сацработнiк Аляксандра Шыянава.

Адна з клiентак дзяржаўнай службы сацыяльнай дапамогi Марыя Герасiмаўна Мiхальчанка жыве ў вёсцы Дымаўшчына. У жнiўнi ёй споўнiцца 96 гадоў. Пенсiянерка — былы медык. Яе даглядае сацыяльны работнiк Раiса Бучко.

Бабуля любiць паразмаўляць з наведвальнiкамi. Нам, у прыватнасцi, расказала, што да вайны паспела скончыць два з трох курсаў фельчарска-акушэрскай школы. Таксама шчыра падзялiлася сакрэтамi даўгалецця. Дарэчы, памяць у яе цудоўная, толькi чуе дрэнна i стала не вельмi добра бачыць. Амаль не ўжывае лекi. Сакрэт даўгалецця, на погляд Марыi Герасiмаўны, у фiзiчных нагрузках, але толькi каб не вельмi напружвацца. Дровы, каб у печ закiнуць, i цяпер са двара можа прынесцi. Здароўе, кажа, i ў правiльным харчаваннi: i дыеты перыядычна на карысць. Наконт алкаголю жанчына сказала, што «нiколi многа не пiла».

На развiтанне бабуля запрасiла на свой векавы юбiлей. (Дарэчы, пяць грамадзян, якiя жывуць у Вiцебскiм раёне, ужо дасягнулi стагадовага ўзросту.)

Старшыня Лятчанскага сельскага Савета Алена Пузырэўская расказала, што прыкладна трацiна з 1,3 тысячы жыхароў тэрыторыi старэйшыя за працаздольны ўзрост. Канешне, мясцовая ўлада ў курсе, хто i якiя патрэбы мае ў дапамозе, доглядзе, клопаце. Аўтакрамы даязджаюць да агароджаў людзей, якiм цяжка далёка хадзiць. Такiм чынам, дастаўка прадуктаў ажыццяўляецца лiтаральна да дзвярэй.

Аляксандр ПУКШАНСКI

Выбар рэдакцыі

Грамадства

Беларускі Чырвоны Крыж працягвае аказваць дапамогу падчас пандэміі і іншых надзвычайных сітуацый

Беларускі Чырвоны Крыж працягвае аказваць дапамогу падчас пандэміі і іншых надзвычайных сітуацый

Каля мільёна чалавек атрымала падтрымку ў выглядзе прадуктовых набораў, ваўчараў, якія можна было «атаварыць», грашовых сродкаў, дастаўкі прадуктаў на дом, а таксама простай размовы па тэлефоне «гарачай лініі» са спецыялістам.

Грамадства

Матывацыя праз гейміфікацыю, або як працуюць механізмы гульні ў адукацыі

Матывацыя праз гейміфікацыю, або як працуюць механізмы гульні ў адукацыі

Вядома, што гульня здольная захапіць усю ўвагу чалавека і не адпускаць яе доўгі час.

Культура

Падмурак Трэцяга Рэнесансу закладваецца ва Узбекістане

Падмурак Трэцяга Рэнесансу закладваецца ва Узбекістане

У Ташкенце прайшлі Тыдзень культурнай спадчыны Узбекістана і ІV Міжнародны кангрэс Сусветнага таварыства па вывучэнні, захаванні і папулярызацыі культурнай спадчыны Узбекістана «Культурная спадчына Узбекістана — падмурак новага Рэнесансу».

Грамадства

Елку можна секчы, але нельга спальваць у печы. Чым небяспечныя хвойныя дрэвы і што з імі рабіць, асабліва пасля свят

Елку можна секчы, але нельга спальваць у печы. Чым небяспечныя хвойныя дрэвы і што з імі рабіць, асабліва пасля свят

Елкі, вывезеныя на смеццевыя палігоны, падчас гніення выдзяляюць у асяроддзе шкодныя рэчывы не горш за пластык.