Вы тут

У Ваўкавыску будзе закладзены новы сквер і высаджана 75 дубоў


Гэта адно з мерапрыемстваў акцыі па навядзенні парадку на зямлі, разлічанай на ўвесь красавік. Запланавана нямала. І хоць асноўны «ўдар» будуць трымаць камунальнікі, да справы мяркуюць далучыцца і сельскія Саветы.


Фо­та volkovysk.news.by.

Новы сквер будзе разбіты на пляцоўцы па вуліцы Карла Маркса, побач з месцам для канцэртнай сцэны. У юбілейны год Перамогі тут з'явіцца 75 маладых дубкоў, а сама алея атрымае назву Перамогі. Удзел у пасадках возьмуць камунальныя службы, прадстаўнікі гарадскіх устаноў і прадпрыемстваў.

Больш чым у папярэднія гады будзе высаджана кветак. У красавіку на клумбах з'явяцца петуніі, аксаміткі, сальвіі, агератумы, лабеліі, бегоніі і шмат іншых. Камунальныя службы вядуць абрэзку дрэў і кустоў, чысцяць тратуары і дарогі, беляць дрэвы, фарбуюць электраапоры, лаўкі, агароджы, вядзецца ўстаноўка новых сметніц.

На тэрыторыі сельсаветаў таксама наводзіцца парадак. Як паведаміў старшыня Гнезнаўскага сельскага Савета дэпутатаў Сяргей СТАНІСЛАЎЧЫК, цяпер у аграгарадку актыўна прыбіраецца парк. Жыхары іншых населеных пунктаў наводзяць парадак у сваіх дварах і каля праезнай часткі. Мясцовыя старасты пры неабходнасці нагадваюць жыхарам, каб тыя захоўвалі чысціню на сваіх сядзібах.

Сочаць за парадкам і на тэрыторыі Краснасельскага сельсавета. Значную дапамогу вяскоўцам аказвае мясцовае сельгаспрадпрыемства «Няверавічы». Кіраўніцтва выдзяляе трактар, каб жыхары змаглі прыбраць буйнагабарытнае смецце. Людзі выходзяць на прыборку агульных тэрыторый: паркавых зон, вуліц. Падчас месячніка на тэрыторыі сельсавета ў аграгарадку Юбілейны будзе створаны дэндрарый. Як расказала старшыня Краснасельскага Савета дэпутатаў Людміла Дзямешчык, пасадка дрэў будзе мець сімвалічнае значэнне і прысвечана 75-годдзю Перамогі.

Маргарыта УШКЕВІЧ

Загаловак у газеце: Пад знакам Перамогі

Выбар рэдакцыі

Грамадства

Не трапіць у рабства анлайн. Як у краіне змагаюцца з гандлем людзьмі

Не трапіць у рабства анлайн. Як у краіне змагаюцца з гандлем людзьмі

З 2000 года ў Беларусі выяўлена 4421 злачынства, звязанае з гандлем людзьмі.

Эканоміка

Дзесяць пытанняў пра крэдыты, або Што трэба ведаць аб крэдыце, каб ён стаў сродкам рэалізацыі мэт, а не цяжарам на плячах

Дзесяць пытанняў пра крэдыты, або Што трэба ведаць аб крэдыце, каб ён стаў сродкам рэалізацыі мэт, а не цяжарам на плячах

Пра што абавязкова трэба падумаць перад тым, як браць на сябе фінансавыя абавязацельствы перад банкам?

Спорт

Замена Алімпіядзе. Беларуская лёгкаатлетычная

Замена Алімпіядзе. Беларуская лёгкаатлетычная

Беларуская федэрацыя лёгкай атлетыкі зладзіла свае гульні.