Вы тут

Прэзідэнт выступае за стымуляванне людзей да спажывання электраэнергіі ў жылых дамах


Прэзідэнт Беларусі Аляксандр Лукашэнка выступае за стымуляванне людзей да спажывання электраэнергіі ў жылых дамах. Пра гэта ён заявіў сёння пры абмеркаванні праекта ўказа «Аб кампенсацыi расходаў на электразабеспячэнне эксплуатуемага жыллёвага фонду», паведамляе БЕЛТА.


«З улікам таго, што мы ўводзім ў строй атамную станцыю, з’явяцца дадатковыя аб’ёмы электрычнай энергіі. Як я часта казаў, нам трэба больш спажываць электраэнергіі, таму што ў нас яе будзе нават з лішкам (калі мы як цяпер будзем выкарыстоўваць цяперашнія магутнасці, плюс дададуцца. Гэта чыстая энергія. Сёння трэнд у свеце наогул — пераход на чыстую энергію. І мы менш будзем залежаць ужо ад прыроднага газу. Дзесьці на 5 млрд куб.м менш будзем спажываць па нашых разліках», - заявіў кіраўнік дзяржавы.

Аляксандр Лукашэнка ўдакладніў, што унесены праект указа тычыцца спажывання электрычнай энергіі насельніцтвам і галоўнае пытанне — як стымуляваць яе спажыванне. «Тут пэўныя, можна сказаць, льготы і пэўныя патрабаванні да насельніцтва: калі вы не будзеце выконваць нейкія ўмовы, льготы не атрымаеце і будзеце плаціць па больш высокім тарыфе», — сказаў Прэзідэнт.

«Цалкам дакладна — механізм кампенсацыі выдаткаў насельніцтва пры павелічэнні спажывання ў індывідуальных жылых дамах», — пацвердзіў віцэ-прэм’ер Юрый Назараў.

«Так, мы можам ім (грамадзянам — уладальнікам індывідуальных жылых дамоў. — Заўвага БЕЛТА) дапамагаць, кампенсаваць будзем. Але калі ўліку не будзе і іншыя пытанні не будуць вырашаны, то будуць плаціць па поўнай за свае грошы», — працягнуў кіраўнік дзяржавы.

Аляксандр Лукашэнка падкрэсліў, што ў гэтым плане яму патрэбна кансультацыя, з якіх падыходаў варта зыходзіць пры прыняцці таго ці іншага рашэння.

«Таму што пытанне тычыцца насельніцтва. І каб мы не перакінулі гэтае пытанне цалкам на насельніцтва. Потым, улік павінен быць арганізаваны. Калі мы проста запішам на паперы, а насельніцтва акажацца не здольным гэта зрабіць ... Вось гэта мяне перш за ўсё хвалюе. Каб не бабахнулі па галаве людзям, а потым будзем адкручваць назад, калі нешта не так», - сказаў Прэзідэнт.

Кіраўнік дзяржавы разам з тым упэўнены ў неабходнасці стымуляваць людзей да большага спажывання ў жылых дамах электрычнай энергіі, бо гэта ў тым ліку бяспечней у параўнанні з выкарыстаннем прыроднага газу і важна з пункту гледжання эканомікі. «Вядома, трэба падштурхоўваць людзей. Я з гэтым згодны. Але гэты штуршок не павінен быць смяротным, калі казаць проста, па-народнаму. Гэта мяне больш за ўсё хвалюе, каб мы тут не нахамуталі. Каб гэта было спакойна, паступова», — падкрэсліў беларускі лідэр.

«Гэта ўжо другі крок па сутнасці. У 2019 годзе прынялі рашэнне аб індывідуальных тарыфах на электрычную энергію для насельніцтва. І мы бачым, што насельніцтва пачало павялічваць спажыванне і будаўніцтва новых дамоў з выкарыстаннем электрычнай энергіі для патрэб ацяплення, гарачага водазабеспячэння, падрыхтоўкі ежы. Цяпер гаворым пра тое, што ў тых дамах, якія ўжо пабудаваны, у якіх жывуць людзі, таксама трэба даць пэўны стымул, каб павялічылі выкарыстанне электраэнергіі на гэтыя мэты. Ідзе сістэмная праца», - далажыў віцэ-прэм’ер.

Удзельнікамі мерапрыемства сталі віцэ-прэм’ер Юрый Назараў, міністр энергетыкі Віктар Каранкевіч, старшыня Мінскага аблвыканкама Аляксандр Турчын і старшыня Мінскага гарвыканкама Анатоль Сівак.

Праект указа распрацаваны ў мэтах стымулявання грамадзян да пераходу ў сваіх жылых дамах на выкарыстанне электрычнай энергіі для мэтаў ацяплення, гарачага водазабеспячэння і прыгатавання ежы. Гаворка ідзе пра аднакватэрныя (блакіраваныя) жылыя дамы.

Выбар рэдакцыі

Культура

Чым сёлета будзе здзіўляць наведвальнікаў «Славянскі базар у Віцебску»?

Чым сёлета будзе здзіўляць наведвальнікаў «Славянскі базар у Віцебску»?

Канцэрт для дзяцей і моладзі, пластычны спектакль Ягора Дружыніна і «Рок-панарама».

Грамадства

Час клопату садаводаў: на якія сарты пладовых і ягадных культур варта звярнуць увагу?

Час клопату садаводаў: на якія сарты пладовых і ягадных культур варта звярнуць увагу?

Выбар саджанца для садавода — той момант, значнасць якога складана пераацаніць.

Культура

Вольга Здзярская: Для мяне мая прафесія — жыццё

Вольга Здзярская: Для мяне мая прафесія — жыццё

Актрыса НАДТ імя М. Горкага — пра шлях да сцэны і натхненне.

Грамадства

«Любоў — галоўнае, што бацькі павінны даць сваім дзецям»

«Любоў — галоўнае, што бацькі павінны даць сваім дзецям»

Тата і мама — два самыя важныя чалавекі ў жыцці кожнага дзіцяці.