Вы тут

Выставу архітэктара Лазара Хідэкеля пакажуць анлайн


Персанальная выстава архітэктара Лазара Хідэкеля – вучня Марка Шагала і Казіміра Малевіча, аднаго з заснавальнікаў мастацкага аб’яднання УНОВИС – будзе паказана ў фармаце анлайн-экскурсіі.


Пад назвай «Нас зразумеюць праз 100 год» яна была адкрыта ў Нацыянальным мастацкім музеі 14 лютага — экскурсія ж пройдзе 15 красавіка і трапіць на яе можна праз відэасэрвіс VOKA.

Экспазіцыя, што стала часткай святкавання стагоддзя УНОВИСа і адкрылася непасрэдна ў дзень юбілея сцвярджальнікаў новага мастацтва, складаецца з больш як ста арыгінальных работ Хідэкеля, а таксама дакументаў знакавага для беларускай і сусветнай культуры мастацкага аб’яднання.

У музеі выстаўлены раннія супрэматычныя кампазіцыі архітэктара, планы «Горада-сада» ці «Аэрагорада», эскізы касмічных пасяленняў і іншае — усё гэта было прывезена ў Мінск сям’ёй Хідэкеля з Нью-Ёрка.

Экскурсію правядзе куратарка выставы Кацярына Ізафатава, якая распавядзе, чаму лічыцца, што Лазар Хідэкель апярэдзіў свой час, і што такое супрэматычная архітэктура.

Паглядзець экскурсію можна будзе а сёмай гадзіне 15 красавіка, дарэчы, у Сусветны дзень мастацтва, у мабільным прыкладанні VOKA альбо на сайце voka.tv.

Вольга МІЦКЕВІЧ

Выбар рэдакцыі

Грамадства

Як шматдзетная сям' я будуе жыллё з дапамогай дзяржаўнай субсідыі

Як шматдзетная сям' я будуе жыллё з дапамогай дзяржаўнай субсідыі

Святлана, шматдзетная мама з вёскі Чарнаўчыцы, што пад Брэстам, падзялілася гісторыяй іх сям'і і дома.

Грамадства

Камень Узнясення, «Стопачка» і «Руская свечка». Што паглядзець у Іерусаліме?

Камень Узнясення, «Стопачка» і «Руская свечка». Што паглядзець у Іерусаліме?

Аўтобусы з паломнікамі і турыстамі ніколі не праязджаюць міма гэтых знакавых, і не толькі для хрысціян, святынь. 

Грамадства

Справа для народных мсцiўцаў. Пра партызанскiя аперацыi — з першых вуснаў

Справа для народных мсцiўцаў. Пра партызанскiя аперацыi — з першых вуснаў

Цяпер, калi пасля вайны мiнула столькi гадоў, каштоўнасць аповеду яе жывых сведак толькi павышаецца.