Вы тут

БЧ уводзіць новую схему рассаджвання ў вагонах


З 15 па 29 красавіка праязныя дакументы на цягнікі фармавання Беларускай чыгункі з нумараванымі месцамі будуць афармляцца з выкарыстаннем новай схемы рассаджвання ў вагонах, гаворыцца на сайце БЧ.


Рассаджванне па новай схеме з'яўляецца часовай мерай, якая дасць магчымасць пасажырам выконваць неабходную сацыяльную дыстанцыю ў купэйных, плацкартных вагонах і ў вагонах з месцамі для сядзення, і рэкамендавана Міністэрствам аховы здароўя Рэспублікі Беларусь у сувязі з неспрыяльнай эпідэміялагічнай сітуацыяй.

Згодна з новай схемай рассаджвання ў купэйных вагонах будуць размяшчацца не больш за два пасажыры ў купэ, у плацкартных - не больш за тры ў адным адсеку. Для пасажыраў, якія аформілі праязныя дакументы ў адной замове, дазваляецца продаж і 3-х і 4-х месцаў у купэ, пры ўмове, што да гэтага ў купэ ніводнага месца не было прададзена.

Пры афармленні праязных дакументаў у вагоны з месцамі для сядзення схема рассаджвання пасажыраў залежыць ад іх канфігурацыі - 2 + 2 ці 3 + 2. У двухмесным шэрагу пасажыр займае месца ля акна, у трохмесным - адзін пасажыр каля акна, а другі - праз месца ля праходу (сярэдні шэраг застаецца вольным).

Новая схема рассаджвання ўжываецца пры афармленні праязных дакументаў як у чыгуначных касах, так і праз інтэрнэт.

Калі квіткі былі набыты да ўвядзення новай схемы рассаджвання, пасажыры займаюць месцы згодна з аформленымі праязнымі дакументамі.

З 14 красавіка 2020 года продаж праязных дакументаў у цягнікі, прычапныя і бесперасадачныя вагоны міжрэгіянальных ліній фарміравання Беларускай чыгункі часова будзе ажыццяўляцца не раней, чым за 20 сутак да адпраўлення цягніка.

Прэв'ю: youtube.com

Выбар рэдакцыі

Грамадства

Жыццёвы шлях Якава Крэйзера. Першы камдзiў, якi атрымаў Зорку Героя, заслужыў яе, абараняючы Барысаў

Жыццёвы шлях Якава Крэйзера. Першы камдзiў, якi атрымаў Зорку Героя, заслужыў яе, абараняючы Барысаў

У пачатковы перыяд Вялiкай Айчыннай вайны зацятыя баi разгарнулiся пры абароне Барысава — старадаўняга беларускага горада на Бярэзiне. 

Грамадства

Схадзіць на «Куфар» і застацца без грошай. На папулярным сайце можна сустрэць махляра, замаскіраванага пад пакупніка

Схадзіць на «Куфар» і застацца без грошай. На папулярным сайце можна сустрэць махляра, замаскіраванага пад пакупніка

«Лічбавыя жулікі», якія здымаюць грошы з чужых банкаўскіх карт, звычайна маскіруюцца пад інтэрнэт-рэсурсы, вартыя даверу.