Савет Рэспублiкi перадаў сродкi iндывiдуальнай абароны Рэспублiканскаму навукова-практычнаму цэнтру (РНПЦ) дзiцячай анкалогii, гематалогii i iмуналогii, якi знаходзiцца ў Бараўлянах пад Мiнскам.
Гэтую мiсiю выканаў старшыня Пастаяннай камiсii Савета Рэспублiкi па адукацыi, навуцы, культуры i сацыяльным развiццi Вiктар Лiсковiч. Ён ад iмя сваіх калег i работнiкаў Сакратарыята верхняй палаты парламента перадаў супрацоўнiкам РНПЦ гуманiтарную дапамогу. Падчас перадачы Вiктар Лiсковiч адзначыў, што па iнiцыятыве старшынi Савета Рэспублiкi Наталлi Качанавай сенатары ажыццяўляюць шэфства над гэтай медыцынскай арганiзацыяй — цяпер, у прыватнасцi, закупiлi для цэнтра медыцынскiя маскi.
Як паведамiла прэс-служба Савета Рэспублiкi, Вiктар Лiсковiч пагутарыў з кiраўнiцтвам i супрацоўнiкамi цэнтра, пацiкавiўся тым, як яны працуюць ва ўмовах няпростай эпiдэмiялагiчнай сiтуацыi.
Потым старшыня Пастаяннай камiсii падзялiўся ўражаннямi аб наведваннi РНПЦ. Паводле яго слоў, супрацьэпiдэмiчныя мерапрыемствы ў РНПЦ выконваюцца ў поўным аб'ёме, ажыццяўляецца тэмпературны кантроль тых, хто наведвае медустанову. Таксама дзейнiчае масачны рэжым, выконваюцца iншыя мерапрыемствы, няма дэфiцыту тэст-сродкаў. Гэта, на думку парламентарыя, гарантыя таго, што пацыенты тут знаходзяцца ў поўнай бяспецы.
— Будзем шукаць розныя формы супрацоўнiцтва з навукова-практычным цэнтрам, каб i далей дапамагаць медыкам i маленькiм пацыентам. Напрыклад, па iнiцыятыве Савета Рэспублiкi пры цэнтры мяркуецца стварыць апякунскi савет, у склад якога ўвойдуць сенатары, — сказаў Вiктар Лiсковiч.
Дырэктар цэнтра Наталля Канапля шчыра падзякавала Савету Рэспублiкi за iстотную дапамогу.
Леанiд Тугарын
Фота БЕЛТА
А разам з імі навучанне, сацпакет і нават жыллё.
Беларусь — адзін з сусветных лідараў у галіне здабычы і глыбокай перапрацоўкі торфу.
«Мы зацікаўлены, каб да нас прыязджалі».