Атмасферныя франты, якiя рухаюцца да нас з паўночнага захаду Еўропы, вызначаюць няўстойлiвае надвор'е з ападкамi ў выглядзе мокрага снегу i дажджу. А моцны парывiсты вецер у гэтыя выхадныя будзе ствараць адчуванне пранiзлiвага холаду, паведамляюць спецыялiсты Рэспублiканскага цэнтра па гiдраметэаралогii, кантролi радыеактыўнага забруджвання i манiторынгу навакольнага асяроддзя Мiнпрыроды.
У Белгiдрамеце адзначаюць, што ў найблiжэйшыя трое сутак iстотных змяненняў у характары надвор'я не чакаецца. Яго будуць фарміраваць халодныя няўстойлiвыя паветраныя масы, якiя паступаюць з поўначы Еўропы. I ў суботу зноў паўсюдна пахаладае.
Уначы месцамi па Вiцебскай вобласцi, а ўдзень у паўночна-ўсходнiх i цэнтральных раёнах краiны пройдзе выключна кароткачасовы мокры снег. Ранiцай i ўдзень у суботу месцамi па краiне прагназуецца ўзмацненне ветру парывамi да 15—18 м/с. Тэмпература паветра ўначы складзе ад мiнус 4 градусаў да 1 цяпла. Удзень будзе ад плюс 4 да плюс 11.
Паводле прагнозаў айчынных сiноптыкаў, у нядзелю ў паўночна-ўсходнiх i цэнтральных раёнах краiны пройдзе кароткачасовы мокры снег. Падмарожваць будзе ўначы, зусiм не цёпла будзе i ўдзень. Тэмпература паветра ў начныя гадзiны складзе ад мiнус 5 градусаў да 1 цяпла. Удзень паветра прагрэецца ад плюс 4 да 11 цяпла. Вось такая ў нас нясмелая вясна. Галоўнае — не захварэць...
Сяргей КУРКАЧ
Прэв’ю: glavpost.com
Фіналістка праекта «Акадэмія талентаў» на АНТ — пра творчасць і жыццё.
Амаль тысяча дзвесце чалавек сабраліся, каб вырашаць найважнейшыя пытанні развіцця краіны.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
