Вы тут

Стала вядома, хто з падпісчыкаў выйграў прызы ад «Звязды»


Старыя правiлы: каб пераканацца, што госць пайшоў, трэба спусцiць яго з лесвiцы — то-бок праводзiць... Каб паспадзявацца, што госць прыйдзе, трэба яго запрасiць. I гэта «Звязда» рабiла, прычым досыць часта — у прыватнасцi, нашы падпiсчыкi i дзелавыя партнёры прыходзiлi на кожны розыгрыш прызоў.


Гэтым разам — на вялiкi жаль i па зразумелых прычынах — пасяджэнне тыражнай камiсii адбылося без шаноўных гасцей, аднак у поўнай адпаведнасцi з умовамi гульнi, з захаваннем яе традыцый.

Паводле iх кожны, хто аформiў падпiску на «Звязду» на другi квартал альбо першае паўгоддзе 2020-га i даслаў у рэдакцыю картку-купон (яны друкавалiся цягам падпiсной кампанii разам з праграмай тэлеперадач), мог прэтэндаваць на фiрменны «звяздоўскi» тэрмас альбо грыль-барбекю. Тут, у рэдакцыi, усе дасланыя карткi рэгiстравалiся, сартавалiся па абласцях i горадзе Мiнску, потым па чарзе ссыпалiся ў чароўны саламяны капялюш. Днямi з яго дасталi...

Такiм чынам, тэрмас з лагатыпам газеты «Звязда» выйгралi:

Марыя Iгнатаўна Пратасевiч, а/г Хомск Драгiчынскага раёна Брэсцкай вобласцi;

Раiса Iванаўна Сарока, в. Сiтцы Докшыцкага раёна Вiцебскай вобласцi;

Мiкалай Валянцiнавiч Старых, г. Гомель;

Нiна Уладзiмiраўна Фурс, г. Гродна;

Надзея Савельеўна Марус, г/п Глуск Магiлёўскай вобласцi;

Людмiла Станiславаўна Бачышча, п. Крупскi Мiнскай вобласцi;

Вольга Iванаўна Астроўская, г. Мiнск.

Суперпрыз — грыль-барбекю Sundays Allan — выйграла Таццяна Вiктараўна Маркава, в. Малая Уса Уздзенскага раёна Мiнскай вобласцi.

Вiншуем! Тым жа, каго ўдача абмiнула, нагадаем стары анекдот. Адзiн дзядзька шторанак да бога звяртаўся: маўляў, дапамажы мне выйграць прыз ад газеты «Звязда»!.. Задурыў галаву сваёй просьбай. I бог-такi адазваўся, сказаў: «Дык памажы i ты мне — падпiшыся на гэтае выданне, дашлi тую картку i тады...»

Высновы за вамi.

Афiцыйна:

Арганiзатарам рэкламнай гульнi «Смачны надвячорак са «Звяздой» з'яўляецца рэдакцыйна-выдавецкая ўстанова «Выдавецкi дом «Звязда» (УНП 100155376), размешчаная па адрасе: вул. Б. Хмяльнiцкага, 10А, г. Мiнск, 220013.

Рэкламная гульня «Смачны надвячорак са «Звяздой» зарэгiстравана Мiнiстэрствам гандлю Рэспублiкi Беларусь 06.03.2020 г. (пасведчанне № 3758) i праводзiцца на тэрыторыi Рэспублiкi Беларусь з 14 сакавiка да 30 чэрвеня 2020 года ўключна сярод падпiсчыкаў газеты «Звязда» на другi квартал або першае паўгоддзе 2020 года. Усяго ў гульнi ўзялi ўдзел 104 падпiсчыкi. Прызавы фонд гульнi разыграны цалкам.

Тэлефон для даведак па пытаннях правядзення рэкламнай гульнi i атрымання прызоў: 8 (017) 263 66 73.

Загаловак у газеце: Ад «Звязды» свежыя навiны, свежая... гарбата

Выбар рэдакцыі

Грамадства

Андрэй Худык: Неабходная мабілізацыя ўсіх узроўняў улады, грамадства і бізнесу для сумесных дзеянняў па ахове прыроды

Андрэй Худык: Неабходная мабілізацыя ўсіх узроўняў улады, грамадства і бізнесу для сумесных дзеянняў па ахове прыроды

Ад таго, наколькі беражліва людзі ставяцца да прыроды, залежыць якасць іх жыцця, здароўе і нават дабрабыт. 

Грамадства

У зоне павышанай небяспекі. Як працуе выбуховатэхнічны цэнтр унутраных войскаў МУС

У зоне павышанай небяспекі. Як працуе выбуховатэхнічны цэнтр унутраных войскаў МУС

Пра асаблівасці работы мы пагутарылі з намеснікам начальніка ўстановы Максімам Кулем.

Грамадства

Стаўленне «выкарыстаў — выкiнуў» трэба мяняць на «адсарцiраваў — перапрацаваў»

Стаўленне «выкарыстаў — выкiнуў» трэба мяняць на «адсарцiраваў — перапрацаваў»

Пахаванне адходаў — самы просты i танны спосаб пазбавiцца ад iх, аднак ён шкодзiць наваколлю i здароўю чалавека.

Грамадства

Новы кантэнт для лета. Чым заняць дзяцей на 92 днi

Новы кантэнт для лета. Чым заняць дзяцей на 92 днi

У перыяд летніх канікулаў для школьнiкаў i студэнтаў падрыхтаваны розныя цiкавыя мерапрыемствы, у тым лiку шмат з iх — анлайн.