Вы тут

Акцэнт на iнтэнсiўныя тэхналогii. Як аграрыi Ваўкавыскага раёна супрацьстаяць змяненням клiмату


Пры вырошчваннi кармоў тут прымяняюць вiльгацезберагальныя тэхналогii. Такi падыход звязаны са змяненнем клiмату. Каб максiмальна захаваць вiльгаць у глебе, патрэбна спецыяльная тэхналогiя, якая ўжо апрабавана i паказала сваю эфектыўнасць. Гэты кiрунак будзе ўкараняцца ва ўсiх гаспадарках Ваўкавыскага раёна.


Работу па вырошчваннi кармавых культур новым спосабам пачалi два гады таму. Як зазначыў першы намеснiк старшынi — начальнiк упраўлення сельскай гаспадаркi i харчавання Ваўкавыскага райвыканкама Дзмiтрый Захарчук, эфект вiдавочны.

— Вельмi важна, каб у глебе захавалася вiльгаць. Таму мы перайшлi на вiльгацезберагальныя тэхналогii праз прымяненне глыбокiх рыхлiцеляў i шыроказахопных машын, — расказаў суразмоўнік. — А з гэтага года пачалi набываць сеялкi з адначасовым унясеннем мiнеральных угнаенняў. Ужо цяпер можна гаварыць аб перспектывах такой агратэхнiкi.

Дзмiтрый Захарчук падкрэслiў, што за сезон удаецца зняць чатыры-пяць укосаў той жа люцэрны, якая ў раёне пераважае сярод кармавых траў. З-за пацяплення клiмату перагледжваецца i структура пасеваў. Плошчы пад культуры, няўстойлiвыя да засухi, памяншаюцца. На змену iм прыходзяць iншыя, такiя як кукуруза. Для атрымання бялковага корму гаспадаркi сеюць гарох, павялiчваюць пасевы рапсу. Асноўны кiрунак — бабовыя культуры, якiя займаюць больш за 90 % кармавых плошчаў. Цяпер у гаспадарках вядуцца работы па падкормцы траў, а таксама па закрыццi вiльгацi.

Дарэчы, кармы ў раёне нарыхтоўваюць не толькi для патрэб гаспадарак, але i для грамадскага пагалоўя. Напрыклад, летась травянiстых кармоў для асабiстых падвор'яў назапашана больш за 80 тысяч тон у пералiку на кармавыя адзiнкi. Адпаведна, на адну ўмоўную галаву прыпадае 23 цэнтнеры, i гэта больш, чым годам раней.

Трэба сказаць, што працэс iнтэнсiфiкацыi датычыцца i пасеву збожжавых культур. У прыватнасцi, вядзецца павялiчэнне пасеваў азiмых культур, якiя лiчацца больш прадукцыйнымi. Цяпер яны займаюць у раёне 62 % плошчы ад усiх збожжавых.

Маргарыта УШКЕВІЧ

Прэв'ю: vnnews.ru

Выбар рэдакцыі

Грамадства

Уступленне ў дарослае жыццё — як выхад у космас

Уступленне ў дарослае жыццё — як выхад у космас

Псiхолаг тлумачыць, чаму паўза пасля заканчэння школы — не трагедыя.

Эканоміка

Як вылечыць эканомiку ад каранакрызiсу?

Як вылечыць эканомiку ад каранакрызiсу?

Нягледзячы на тое што сучасны свет перажываў досыць шмат эканамiчных крызiсаў, той, што разгортваецца ў 2020 годзе, — унiкальны. 

Грамадства

Маладая актрыса Iрына Якавец: Нецiкавых роляў не iснуе

Маладая актрыса Iрына Якавец: Нецiкавых роляў не iснуе

Першым спектаклем, у якiм я ўзяла ўдзел, быў «Вясёлы Роджэр».

Грамадства

Андрэй Худык: Неабходная мабілізацыя ўсіх узроўняў улады, грамадства і бізнесу для сумесных дзеянняў па ахове прыроды

Андрэй Худык: Неабходная мабілізацыя ўсіх узроўняў улады, грамадства і бізнесу для сумесных дзеянняў па ахове прыроды

Ад таго, наколькі беражліва людзі ставяцца да прыроды, залежыць якасць іх жыцця, здароўе і нават дабрабыт.