Вы тут

Што змянілася ў Беларусі 1 мая


Павялічыўся бюджэт пражытачнага мінімуму

Фота: pixabay.com

Паводле інфармацыі Міністэрства працы, цяпер паказчык на душу насельніцтва складае 246,78 руб., што азначае павелічэнне на 6,91 руб. БПМ таксама ўстанаўліваецца па асноўных сацыяльна-дэмаграфічных групах і выглядае так:

  • для працаздольнага насельніцтва — 275,48 рублёў;
  • для пенсіянераў — 187,22 рублёў;
  • для студэнтаў — 237,30 рублёў;
  • для дзяцей ва ўзросце да трох гадоў — 158,94 рублёў;
  • для дзяцей ва ўзросце ад трох да шасці гадоў — 217,84 рублёў;
  • для дзяцей ва ўзросце ад шасці да васемнаццаці гадоў — 265,20 рублёў.

Новыя памеры БПМ будуць актуальныя да 31 ліпеня 2020 года.

Павышаюцца працоўныя і сацыяльныя пенсіі і надбаўкі

Мінімальны памер пенсіі па ўзросце, што складае 25% БПМ, цяпер раўны 61,7 рубля (замест 59,97 рубля). Гэта без уліку даплаты ў 20% сярэдняй зарплаты.

Даплаты да пенсій непрацуючым пенсіянерам, якія дасягнулі 75 і 80 гадоў, цяпер складаюць 46,28 руб. і 61,7 адпаведна (75% і 100% ад БПМ).

Сацыяльная пенсія інвалідам I групы, у тым ліку інвалідам з дзяцінства, паднялася да 271,78 рубля (110% БПМ); інвалідам з дзяцінства II групы — 234,45 (95% БПМ); інвалідам II групы (акрамя інвалідаў з дзяцінства), дзецям у выпадку страты карміцеля — 209,76 (85% БПМ), інвалідам III групы — 185,08 (75% БПМ), асобам старэйшым за агульнаўстаноўлены пенсійны ўзрост — 123,39 (50% БПМ).

Таксама павялічыліся дапамогі па доглядзе інваліда I групы або за асобай, якая дасягнула 80 гадоў.

Павялічыўся памер некаторых дапамог на дзяцей

Фота: pixabay.com

Рост памеру дапамог таксама звязаны с ростам БПМ.

З 1 мая аднаразовая дапамога ў сувязі з нараджэннем першага дзіцяці складае 2467,8 рубля, пры нараджэнні другога і наступных дзяцей — 3454,92 рубля.

Жанчыны, якія сталі на ўлік у дзяржаўных арганізацыях аховы здароўя да 12-тыднёвага тэрміну цяжарнасці, атрымаюць аднаразова 246,78 рубля.

Дапамога сем'ям з дзецьмі ва ўзросце ад 3 да 18 гадоў у перыяд выхавання дзіцяці ва ўзросце да 3 гадоў штомесяц складае 123,39 рублі. На выхаванне дзяцей, старэйшых за 3 гады, з асобных катэгорый сем'яў, акрамя дзіцяці-інваліда, бацькам выдзяляць 172,75 рубля. На дзіцяці-інваліда І і ІІ групы — 246,78. Столькі ж будуць атрымліваць сем'і, якія выхоўваюць дзіцяці-інваліда III і IV групы да 3 гадоў, а пасля дасягнення 3 гадоў і да паўналецця — 296,14 рубля. Сем'і дзіцяці з ВІЧ ва ўзросце да 18 гадоў будуць штомесяц атрымліваць 172,75 рубля.

Выраслі мінімальныя спажывецкія бюджэты

Мінімальны спажывецкі бюджэт на аднаго члена сям'і з чатырох чалавек у разліку на адзін месяц цяпер складзе 406,04 рублі, што на 31,15 руб. больш за стары нарматыў.

Таксама ўстаноўленыя:

  • сярэднедушавы МСБ маладой сям'і з трох чалавек — 437,84 рубля;
  • працаздольнага насельніцтва — 513,77 рубля;
  • пенсіянераў — 398,4 рубля;
  • студэнтаў — 355,65 рубля;
  • для дзяцей ва ўзросце да трох гадоў — 340,01 рубля;
  • ад 3 да 6 гадоў — 434,64 рубля;
  • ад 6 да 18 гадоў — 441,79 рубля.

Цыгарэты традыцыйна падаражалі

Фота: pixabay.com

Цэны вырастуць на некаторыя вырабы Гродзенскай тытунёвай фабрыкі «Нёман». У прыватнасці, на 5 капеек падаражэюць цыгарэты Pall Mall (Red, Blue, Silver і Azure).

Падаражэюць і некаторыя цыгарэты ад імпарцёра «Тытунь-інвест». 

Знікнуць некаторыя ліміты на пасылкі і ўвоз тавараў з-за мяжы

З 1 мая ў Беларусі ўступаюць у сілу змены на атрыманне пасылак з-за мяжы.

У прыватнасці, будуць адмененыя месячныя ліміты бяспошліннага ўвозу тавараў у міжнародных паштовых адпраўленнях. Пры гэтым, разавыя нормы застануцца ранейшымі: кошт пасылкі не павінен перавышаць 22 еўра, а яе вага - 10 кілаграмаў.

Акрамя таго, з 1 мая адмяняецца норма бяспошліннага ўвозу тавараў у памеры 300 еўра і 20 кілаграм пры ўездзе фізасобы ў Беларусь наземным транспартам часцей за адзін раз у тры месяцы.

Крэдытаатрымальніку дадуць інфармацыю бясплатна

Нацбанк унёс змены ў інструкцыю аб парадку прадастаўлення грашовых сродкаў у форме крэдыту і іх вяртання (пагашэння).

З 1 мая банк абавязаны выдаваць крэдытаатрымальніку па яго запыце як мінімум адзін раз на месяц без спагнання ўзнагароджання інфармацыю аб запазычанасці па крэдыце. Інфармацыя павінна ўключаць, у прыватнасці, звесткі аб запазычанасці па крэдыце (асноўны доўг), суме працэнтаў за карыстанне ім, а таксама аб іншых абавязацельствах (няўстойка, штраф, пеня).

Акрамя таго, крэдытаатрымальнік з 1 мая мае права патрабаваць ад банка пісьмовае пацверджанне поўнага выканання абавязацельстваў па крэдытным дагаворы.

Праезд са зніжкай для пенсіянераў

Фота аўтара.

З 1 мая беларускія пенсіянеры змогуць перамяшчацца на некаторых відах грамадскага транспарту са зніжкай у 50%. Льгота будзе дзейнічаць на паездкі ў прыгарадных цягніках і аўтобусах. Каб набыць квіток за палову цаны, неабходна прад'явіць пенсійнае пасведчанне ў касе. Таксама трэба трымаць пасведчанне пры сабе падчас паездкі.

Устаноўленая льгота будзе дзейнічаць з мая па кастрычнік.

Выбар рэдакцыі

Эканоміка

Як абараняцца ад рыэлтараў, якія не хочуць працаваць па законе

Як абараняцца ад рыэлтараў, якія не хочуць працаваць па законе

Лiцэнзiя агенцтва «Гатовыя рашэннi» скасавана, «Iмперыi нерухомасцi» — прыпынена, а «Тваёй сталiцы» выпiсана прадпiсанне.

Палітыка

Аляксандр Лукашэнка: Гэта адна з самых складаных выбарчых кампаній

Аляксандр Лукашэнка: Гэта адна з самых складаных выбарчых кампаній

Кіраўнік дзяржавы прагаласаваў на выбарах Прэзідэнта.

Грамадства

Медыцынскі агляд у віцебскіх газавікоў ажыццяўляе... робат

Медыцынскі агляд у віцебскіх газавікоў ажыццяўляе... робат

А наведвальнiкаў крамы кансультуе выява спецыялiста.