Вы тут

У Магілёве аддалі даніну памяці абаронцам і вызваліцелям вобласці


Прысвечаная 75-годдзю вызвалення Беларусі ад нямецка-фашысцкіх захопнікаў і Перамозе савецкага народа ў Вялікай Айчыннай вайне рэспубліканская акцыя «У гонар агульнай Перамогі» адбылася на Буйніцкім полі — святым месцы для кожнага жыхара вобласці і краіны.


Менавіта тут на працягу 23 дзён чырвонаармейцы і жыхары горада стрымлівалі шалёны націск наступаючай арміі вермахта і сваёй мужнасцю развеялі міф пра яе непераможнасць. Толькі за адзін дзень тут было падбіта і спалена 39 фашысцкіх танкаў і бронемашын. Ва ўрачыстай цырымоніі ўшанавання памяці герояў узялі ўдзел прадстаўнікі ўлады, ветэраны, дэпутаты, вайскоўцы, моладзь, грамадскасць.

— Пройдуць гады, зменіцца яшчэ не адно пакаленне, але ў сэрцах жыхароў Прыдняпроўскага краю захаваецца памяць аб подзвігу нашых прадзедаў, дзядоў і бацькоў, — адзначыў у сваёй прамове намеснік старшыні Магілёўскага аблвыканкама Валерый Малашка. — Немагчыма аддаць на забыццё тысячы спаленых вёсак, разбураных гарадоў, не схіліцца перад адвагай і гераізмам савецкіх воінаў, партызан і падпольшчыкаў. Акцыя «У гонар агульнай Перамогі» закліканая стварыць новую культуру памяці пра вайну і абараніць гістарычную праўду.

Загінулых герояў ушанавалі хвілінай маўчання, да падножжа капліцы былі ўскладзены кветкі і вянкі, а ў буйніцкім храме ў гонар Раства Іаана Прадцечы адбылася памінальная ліція.

Нэлі ЗІГУЛЯ

Прэв'ю: epochweekly.com

Загаловак у газеце: Памяць, якая яднае

Выбар рэдакцыі

Грамадства

Галiна Левіна: Помнiк — не канструктар i не чарцёж, яго трэба перажыць, выпакутаваць

Галiна Левіна: Помнiк — не канструктар i не чарцёж, яго трэба перажыць, выпакутаваць

У архiтэктара Галiны Левiнай — Хатынь, творчая спадчына яе бацькi.

Грамадства

Прэмiя прыгажосцi. Дзеля чаго людзi кладуцца пад нож пластычнага хiрурга?

Прэмiя прыгажосцi. Дзеля чаго людзi кладуцца пад нож пластычнага хiрурга?

Як сведчаць шматлiкiя даследаваннi, прывабным людзям прасцей прабiцца ў жыццi i яны дасягаюць у кар'еры большага поспеху. 

У свеце

Як Еўропа аднаўляецца ад кавiднага ўдару?

Як Еўропа аднаўляецца ад кавiднага ўдару?

Сёлета еўрапейская эканомiка будзе перажываць глыбокую рэцэсiю з-за ўспышкi каранавiруса, нягледзячы на хуткiя i ўсёабдымныя антыкрызiсныя меры як на саюзным, так i на нацыянальным узроўнi.

Эканоміка

Тонкае мастацтва дабрабыту. Складаем сямейны бюджэт разам са спецыялістам Нацбанка

Тонкае мастацтва дабрабыту. Складаем сямейны бюджэт разам са спецыялістам Нацбанка

2020 год паставіў усіх нас перад неабходнасцю дакладна планаваць свае выдаткі.