З 7 мая па 1 верасня ў ВНУ кожны чацвер будуць праходзіць анлайн-кансультацыі "Час выбіраць БДПУ!” па пытаннях паступлення замежных грамадзян у вядучую педагагічную ВНУ нашай краінаы. Праводзіць іх будуць супрацоўнікі ўпраўлення міжнароднага супрацоўніцтва.
Замежныя грамадзяне змогуць даведацца аб тым, як аформіць запрашэнне на навучанне, як атрымаць беларускую візу, прайсці медыцынскі агляд на тэрыторыі Беларусі. Ім раскажуць аб правілах паступлення ў БДПУ, пра навучанне ва ўніверсітэце, навуковае і спартыўнае жыццё ВНУ. Дарэчы, кожнаму замежнаму студэнту гарантаванае месца ў інтэрнаце.
Анлайн-кансультацыі будуць праходзіць з 10.00 да 11.00 на афіцыйнай вэбінарнай пляцоўцы BigBlueButton. Для падключэння да анлайн-кансультацый неабходна прайсці па спасылцы. На старонцы ўваходу ўвесці сваё імя і націснуць “Падключыцца”. Пры падключэнні выбраць рэжым “Толькі слухаць”. Пытанні можна будзе задаваць у чаце.
Таксама замежныя грамадзяне і іх бацькі могуць задаваць пытанні, што іх цікавяць, супрацоўнікам упраўлення міжнароднага супрацоўніцтва па электроннай пошце dfr@bspu.by з паметкай "Час выбіраць БДПУ!”. Азнаёміцца з інфармацыяй пра паступленне можна і ва ўкладцы “Замежным абітурыентам”.
Вядучы педагагічны ўніверсітэт Беларусі карыстаецца аўтарытэтам на міжнароднай арэне. Яго партнёрамі з'яўляюцца больш як 160 універсітэтаў і арганізацый з 29 дзяржаў блізкага і далёкага замежжа. БДПУ мае сумесныя адукацыйныя праграмы з ВНУ Кітая, Расіі, сумесны факультэт з універсітэтам Узбекістана. На сёння ва ўніверсітэце навучаюцца звыш за 1,5 тысячы замежных грамадзян.
Надзея НІКАЛАЕВА
Прэв'ю: minsktourism.by
А разам з імі навучанне, сацпакет і нават жыллё.
Беларусь — адзін з сусветных лідараў у галіне здабычы і глыбокай перапрацоўкі торфу.
«Мы зацікаўлены, каб да нас прыязджалі».
