Вы тут

Перспектывы будаўнiцтва жылля i сацыяльных аб'ектаў у Ленiнскім раёне Мiнска


Пагаварылi журналiсты «Звязды» з кiраўнiкамi Ленiнскага раёна Мiнска i аб яго перспектывах. Звязаны яны перш за ўсё з шырокiм вядзеннем будаўнiцтва жылля i сацыяльных аб'ектаў. Тлумачэннi дае намеснiк кiраўнiка адмiнiстрацыi Вольга Русiновiч, якая адказвае за групу эканамiчных пытанняў.


— Асноўнай перспектыўнай пляцоўкай для будаўнiцтва аб'ектаў, у тым лiку жылля, на тэрыторыi нашага раёна з'яўляецца жылы раён Лошыца, якi будзе развiвацца з улiкам забудовы мiкрараёнаў Лошыца-5, 7, 8, 9, 10.

I вось прыемная ў гэтым сэнсе навiна. У 2020 годзе плануецца забяспечыць увод у эксплуатацыю адразу дзевяць жылых дамоў агульнай плошчай 80,6 тысячы квадратных метраў. З iх шэсць жылых дамоў — для тых, хто мае патрэбу ў паляпшэннi жыллёвых умоў, у тым лiку тры жылыя дамы агульнай плошчай 23 тысячы квадратных метраў.

I сёлета КУП «УКС Мiнгарвыканкама» плануе пачаць будаўнiцтва 10 жылых дамоў у мiкрараёне «Лошыца-8» для шматдзетных сем'яў, а КУДП «УКС Ленiнскага раёна Мiнска» збiраецца прыступiць да будаўнiцтва двух жылых дамоў у мiкрараёне Лошыца-7.

Акрамя жылля вядзецца праектаванне i будаўнiцтва сацыяльных аб'ектаў. У студзенi 2020 года ўведзена ў эксплуатацыю падстанцыя хуткай медыцынскай дапамогi ў раёне вулiцы Сыракомлi. Завершаны работы i чакаецца ўвод у эксплуатацыю пажарнага дэпо ў Лошыцы.

Хачу прывесцi яскравы прыклад комплекснага вырашэння сацыяльных задач. Цяпер вядзецца праектаванне дзiцячай палiклiнiкi на 480 наведванняў у змену ў мiкрараёне Лошыца-9. Прыступiць да ўзвядзення гэтага аб'екта плануецца ў трэцiм квартале. Там жа, у Лошыцы-9, ужо будуецца дзiцячы сад на 230 месцаў з уводам у эксплуатацыю ў жнiўнi. I побач узводзiцца сярэдняя агульнаадукацыйная школа на 1020 навучэнцаў з басейнам. Наваселле запланавана на пачатак 2021 года.

— А што акрамя мiкрараёна Лошыца, Вольга Уладзiмiраўна? Раён жа вялiкi.

— Праз непрацяглы час будаўнiкi змогуць парадаваць жыхароў вулiцы Янкi Лучыны. Камунальнае прадпрыемства «Аква-Мiнск» праектуе тут фiзкультурна-аздараўленчы комплекс з басейнамi i трэнажорнымi заламi. Прыступiць да ўзвядзення збiраюцца ўжо ў трэцiм квартале.

Вядуцца работы па трансфармацыi забудовы раёна вулiц Стралковай — Рыбалкi — Станiслаўскага (гэта раён мотавелазавода) пад жылую i грамадскую забудову. Так, цяпер ААТ «БЕЛАТЭП» вядзе праектаванне квартала забудовы, а менавiта сямі жылых дамоў у канструкцыях. Плануецца, што да будаўнiцтва першага этапа — трох жылых дамоў — ААТ «МАПIД» прыступiць ужо ў другiм квартале гэтага года.

Уладзiмiр ХIЛЬКЕВIЧ

Загаловак у газеце: Горад расце ў горадзе

Выбар рэдакцыі

Грамадства

Андрэй Худык: Неабходная мабілізацыя ўсіх узроўняў улады, грамадства і бізнесу для сумесных дзеянняў па ахове прыроды

Андрэй Худык: Неабходная мабілізацыя ўсіх узроўняў улады, грамадства і бізнесу для сумесных дзеянняў па ахове прыроды

Ад таго, наколькі беражліва людзі ставяцца да прыроды, залежыць якасць іх жыцця, здароўе і нават дабрабыт. 

Грамадства

У зоне павышанай небяспекі. Як працуе выбуховатэхнічны цэнтр унутраных войскаў МУС

У зоне павышанай небяспекі. Як працуе выбуховатэхнічны цэнтр унутраных войскаў МУС

Пра асаблівасці работы мы пагутарылі з намеснікам начальніка ўстановы Максімам Кулем.

Грамадства

Стаўленне «выкарыстаў — выкiнуў» трэба мяняць на «адсарцiраваў — перапрацаваў»

Стаўленне «выкарыстаў — выкiнуў» трэба мяняць на «адсарцiраваў — перапрацаваў»

Пахаванне адходаў — самы просты i танны спосаб пазбавiцца ад iх, аднак ён шкодзiць наваколлю i здароўю чалавека.

Грамадства

Новы кантэнт для лета. Чым заняць дзяцей на 92 днi

Новы кантэнт для лета. Чым заняць дзяцей на 92 днi

У перыяд летніх канікулаў для школьнiкаў i студэнтаў падрыхтаваны розныя цiкавыя мерапрыемствы, у тым лiку шмат з iх — анлайн.