Вы тут

Міністэрства аховы здароўя: У Віцебску стабілізаваная сітуацыя з COVID-19 і пнеўманіямі


Эпідэміялагічную сітуацыю, якая цяпер складваецца ў Віцебску, можна назваць «плаўны сыход з плато». Гэта дазваляе сістэме аховы здароўя правесці паэтапны вывад некаторых няпрофільных бальніц з аказання медыцынскай дапамогі хворым з COVID-19 і пнеўманіямі, гаворыцца ў Telegram-канале Міністэрства аховы здароўя.


Наступныя два тыдні ў Віцебску будзе весціся паэтапная санапрацоўка бальніц, якія ў пачатку вясны прынялі на сябе асноўныя патокі пацыентаў з COVID-19, цяжкімі формамі іншых рэспіраторных інфекцый і пнеўманіі. За той час, пакуль частка будынкаў і карпусоў будуць падвергнутыя «дэзінфекцыйнай апрацоўцы па тыпу заключнай дэзінфекцыі», медыцынскі персанал атрымае магчымасць для больш паўнавартаснага адпачынку.

Сёння ўжо вызвалены адзін з будынкаў Віцебскага абласнога клінічнага цэнтра (Чыгуначная бальніца). Спецыялісты праводзяць там работы па дэзінфекцыі памяшканняў. Плануецца, што ў аўторак-сераду будзе вызвалены ўвесь цэнтр.

Большая частка пацыентаў вылечана і выпісана дадому, тыя з пацыентаў, якія яшчэ патрабуюць далечвання або рэабілітацыі, будуць пераведзеныя ў іншыя ўстановы. Да канца тыдня ў клінічны цэнтр шпіталізацыя праводзіцца не будзе. Гэты час дасць магчымасць перадыхнуць работнікам бальніцы і зноў падрыхтаваць цэнтр да шпіталізацыі пацыентаў з рэспіраторнымі інфекцыямі і пнеўманіямі.

Агульная сітуацыя па выяўленні новых пацыентаў дазваляе прагназаваць спад захворвання, што дае магчымасць правесці поўную санапрацоўку ўсіх перапрафіляваных бальніц горада. У пятніцу плануецца пачаць санапрацоўку Віцебскага абласнога клінічнага супрацьтуберкулёзнага дыспансэра, а таксама аддзяленняў Віцебскай гарадской цэнтральнай клінічнай бальніцы, якія знаходзяцца тут жа. Потым пройдзе апрацоўку Віцебская гарадская клінічная бальніца №1, хірургічны корпус анкадыспансэра і інш.

Плануецца, што пасля правядзення неабходных санітарных работ будуць уносіцца змены ў планы па перапрафіляванні ложкавага фонду, і частка медыцынскіх устаноў вернецца да ранейшага рэжыму працы.

Стабілізаваная сітуацыя не толькі ў Віцебску, але і ў шэрагу раёнаў вобласці. У тым ліку ў Докшыцкім, Бешанковіцкім, Шумілінскім, Лёзненскім, Пастаўскім раёнах. У цэлым па вобласці абстаноўка застаецца кантраляванай.

Прэв'ю: Міністэрства аховы здароўя

Выбар рэдакцыі

Грамадства

Елку можна секчы, але нельга спальваць у печы. Чым небяспечныя хвойныя дрэвы і што з імі рабіць, асабліва пасля свят

Елку можна секчы, але нельга спальваць у печы. Чым небяспечныя хвойныя дрэвы і што з імі рабіць, асабліва пасля свят

Елкі, вывезеныя на смеццевыя палігоны, падчас гніення выдзяляюць у асяроддзе шкодныя рэчывы не горш за пластык.

Грамадства

Як вайскоўцы на захопленым нямецкім аўтамабілі прарываліся да партызанаў і выратавалі людзей ад расстрэлу

Як вайскоўцы на захопленым нямецкім аўтамабілі прарываліся да партызанаў і выратавалі людзей ад расстрэлу

Наш даўні сябар — жыхар Вялікай Бераставіцы — Міхаіл Маскальчук даслаў нам чарговы цікавы аповед, які быў запісаны са слоў бацькі Міхаіла, Васіля Маскальчука.

Грамадства

Камфортнае жыллё і спрыяльнае асяроддзе. Аднайменная дзяржпраграма дазволіць павысіць якасць камунальных паслуг і наблізіць да Мэты-99

Камфортнае жыллё і спрыяльнае асяроддзе. Аднайменная дзяржпраграма дазволіць павысіць якасць камунальных паслуг і наблізіць да Мэты-99

Днямі аб праекце профільнай дзяржпраграмы журналістам падчас прэс-прэзентацыі расказаў міністр жыллёва-камунальнай гаспадаркі Андрэй Хмель.

Эканоміка

Якія асноўныя паказчыкі і параметры закладвае Магілёўшчына ў сваю рэгіянальную праграму развіцця?

Якія асноўныя паказчыкі і параметры закладвае Магілёўшчына ў сваю рэгіянальную праграму развіцця?

Пра гэта ў нашай гутарцы з намеснікам старшыні Магілёўскага аблвыканкама Русланам Страхаром.