У пачатку гэтага тыдня захаваецца ўплыў франтальных падзелаў, таму чакаецца няўстойлівае з дажджамі надвор'е, паведамляюць спецыялісты Рэспубліканскага цэнтра па гідраметэаралогіі, кантролі радыеактыўнага забруджвання і маніторынгу навакольнага асяроддзя Мінпрыроды.
У ноч на сераду чарговая сістэма атмасферных франтоў выкліча на большай частцы тэрыторыі Беларусі дажджы рознай інтэнсіўнасці. У дзённыя гадзіны яны чакаюцца месцамі з навальніцамі, на захадзе краіны прагназуецца ўзмацненне ветру парывамі да 15—20 метраў у секунду. Тэмпература паветра ўначы складзе ад плюс 4 да плюс 11 градусаў. Удзень будзе 10—17 цяпла, месцамі — да плюс 19 градусаў.
Але камфортнае цёплае надвор'е працягнецца не доўга. Ужо ў чацвер франтальныя падзелы будуць павольна перамяшчацца на ўсход, а следам за імі чакаецца прыход больш халодных паветраных мас. Уначы на большай частцы тэрыторыі краіны, а ўдзень месцамі, пераважна па паўднёвым усходзе, пройдуць кароткачасовыя дажджы. У начныя гадзіны захаваецца моцны парывісты вецер. Тэмпература паветра панізіцца і ўначы складзе ад плюс 2 да плюс 9 градусаў, удзень — 11—18 цяпла.
Паводле папярэдніх прагнозаў айчынных сіноптыкаў, у канцы тыдня з ростам атмасфернага ціску ападкаў прагназуецца няшмат, аднак працягнецца паступленне халодных паветраных мас. У пятніцу будзе пераважна без ападкаў, толькі ўначы па паўднёвым усходзе магчымы кароткачасовы дождж. Тэмпература паветра ўначы складзе ад нуля да плюс 7 градусаў, пры праясненнях — да мінус 2 градусаў. Удзень будзе ўжо адносна цёпла: ад плюс 12 градусаў да 19 цяпла.
Сяргей КУРКАЧ
Прэв'ю: strana.ua
А разам з імі навучанне, сацпакет і нават жыллё.
Беларусь — адзін з сусветных лідараў у галіне здабычы і глыбокай перапрацоўкі торфу.
«Мы зацікаўлены, каб да нас прыязджалі».
