Вы тут

Чэмпіянаты па футболе еўрапейскіх краін адновяцца ў маі і чэрвені


Саюз еўрапейскіх футбольных асацыяцый (УЕФА) падчас відэаканферэнцыі з прадстаўнікамі 55 нацыянальных ліг настойліва рэкамендаваў дайграць чэмпіянаты і кубкі краін. Пры гэтым Сусветная арганізацыя аховы здароўя рэкамендавала УЕФА адмовіцца ад правядзення міжнародных турніраў да канца года.


У Германіі маюць намер аднавіць бундэслігу ўжо з 15 мая, а ў Нідэрландах, нягледзячы на рэкамендацыі УЕФА, адмовяцца ад аднаўлення чэмпіянату, бо ўрад краіны вырашыў падоўжыць забарону ўсіх масавых мерапрыемстваў да 1 верасня. Афіцыйны сайт вышэйшай шведскай футбольнай лігі паведаміў пра тое, што пачатак чэмпіянату краіны прызначаны на 14 чэрвеня. У Іспаніі цяпер разглядаюцца розныя даты, самы аптымістычны варыянт — правесці першыя матчы 26 мая, самы песімістычны — 27 чэрвеня. Польскі футбольны саюз прыняў рашэнне аднавіць чэмпіянат краіны 30 мая і завяршыць яго пасля 30 чэрвеня. За гэты час каманды правядуць астатнія матчы другой часткі сезону і плэй-оф турніру. У Вялікабрытаніі пік заражэнняў дасягнуты, але пакуль не пройдзены, таму самым імаверным варыянтам пачатку чэмпіянату з'яўляецца 13-14 чэрвеня. Італія, адна з самых пацярпелых ад каранавіруса краін, паступова здымае абмежавальныя меры. Паводле інфармацыі La Gazzetta dello Sport, рабочым варыянтам даты аднаўлення чэмпіянату там з'яўляецца канец мая.

У сваіх чэмпіянатах, хутчэй за ўсё, камандам давядзецца гуляць па некалькі матчаў за тыдзень, таму Лізе Еўропы і Лізе чэмпіёнаў трэба будзе пачакаць. Больш за тое, неабходна ўлічваць, што да моманту аднаўлення розыгрышу каранцін павінен быць зняты ва ўсіх краінах-удзельніцах. Днямі Sky Sport паведаміў, што гэта наўрад ці адбудзецца раней за жнівень, таму арыенціровачныя даты для Лігі Еўропы — 2-3 жніўня, Лігі чэмпіёнаў — 7-8 жніўня.

Тым часам УЕФА выдзеліў 236,5 мільёна еўра 55 нацыянальным асацыяцыям на барацьбу з наступствамі COVІD-19. Такім чынам, кожная з краін, якія ўваходзяць ва УЕФА, атрымае па праграме HatTrіck па 4,3 мільёна еўра. Пры гэтым кожная нацыянальная футбольная федэрацыя зможа самастойна размяркоўваць гэтыя сродкі.

Дар'я ЛАБАЖЭВІЧ

Прэв'ю: kubnews.ru

Загаловак у газеце: Футбол плануе выхад з каранціну

Выбар рэдакцыі

Грамадства

«Да штыка ён пяро прыраўняў». Узгадваем ваеннага карэспандэнта Канстанціна Сіманава

«Да штыка ён пяро прыраўняў». Узгадваем ваеннага карэспандэнта Канстанціна Сіманава

28 лістапада 2020 года спаўняецца 105 гадоў з дня нараджэння вядомага рускага пісьменніка, ваеннага карэспандэнта і журналіста Канстанціна Сіманава. 

Грамадства

«Калі б не сям'я Абрамукоў, наш род перастаў бы існаваць яшчэ ў 1941 годзе». Расіянка з Ніжняга Ноўгарада знайшла ў беларускай вёсцы сваякоў

«Калі б не сям'я Абрамукоў, наш род перастаў бы існаваць яшчэ ў 1941 годзе». Расіянка з Ніжняга Ноўгарада знайшла ў беларускай вёсцы сваякоў

І аднавяскоўцаў людзей, якія ў час вайны ратавалі сям'ю яе бабулі, жонкі афіцэра Чырвонай Арміі.

Спорт

«Вікторыя», якая робіць з Гродна баскетбольную сталіцу

«Вікторыя», якая робіць з Гродна баскетбольную сталіцу

Гродна — горад з багатай не толькі культурнай, але і баскетбольнай гісторыяй. 

Грамадства

У Гродне жыхары кватэр адмовіліся падчас капітальнага рамонту здымаць аздабленне з балконаў. На іх падалі ў суд

У Гродне жыхары кватэр адмовіліся падчас капітальнага рамонту здымаць аздабленне з балконаў. На іх падалі ў суд

Такога кшталту справа ў судзе Кастрычнiцкага раёна Гродна разглядаецца ўпершыню.