Вы тут

Падведзены вынікі XVI Нацыянальнага конкурсу «Залатая Ліцера»


У 2020 годзе ў Беларусі ў 16-ы раз праводзіцца Нацыянальны конкурс «Залатая Ліцера», заснавальнікам якога выступае Міністэрства інфармацыі. Вынікі апублікавалі на афіцыйным сайце ведамства. «Звязда» апынулася сярод лаўрэатаў некалькіх намінацый.


У гэтым годзе на конкурс было прадстаўлена 400 заявак перыядычных выданняў, інфармацыйных агенцтваў і персаналій. З іх 269 — рэгіянальныя СМІ ад 81 рэдакцыі, рэспубліканскія СМІ — 108 заявак ад 31 рэдакцыі СМІ, карпаратыўныя — 23. Журы адзначыла не толькі актыўнасць друкаваных сродкаў масавай інфармацыі і сеткавых выданняў, але і высокі ўзровень прадстаўленых работ.

  • Праект «Чвэрць стагоддзя» рэдакцыі газеты «Звязда» РВУ «Выдавецкі дом «Звязда» стаў лаўрэатам намінацыі «Найлепшыя матэрыялы грамадска-палітычнай тэматыкі».
  • Алена Брава, рэдактар рэдакцыі часопіса «Алеся» РВУ «Выдавецкі дом «Звязда» (праект «Знайдзіся, дзіця!») — лаўрэат намінацыі «Найлепшыя матэрыялы сацыяльна-эканамічнай тэматыкі».
  • Рэдакцыя газеты «Літаратура і мастацтва» РВУ «Выдавецкі дом «Звязда» — сярод лаўрэатаў намінацыі «Найлепшыя матэрыялы гісторыка-краязнаўчай тэматыкі».
  • Маладзёжны дадатак «Чырвонка. Чырвоная змена» рэдакцыі газеты «Звязда» РВУ «Выдавецкі дом «Звязда» стаў лаўрэатам намінацыі «Найлепшыя матэрыялы моладзевай, дзіцяча-юнацкай тэматыкі».
  • Пераможцам персанальнай намінацыі — «Найлепшы мастацка-публіцыстычны матэрыял (нарыс, эсэ, фельетон) рэспублiканскiх, абласных, раённых, гарадскіх, карпаратыўных друкаваных СМІ, інфармацыйных агенцтваў, сеткавых выданняў» стала Валянціна Ждановіч, адказны сакратар часопіса «Belarus» РВУ «Выдавецкі дом «Звязда» (цыкл эсэ і нарысаў).

З поўным спісам пераможцаў і лаўрэатаў можна азнаёміцца на сайце Міністэрства інфармацыі.

Прэв'ю: Міністэрства інфармацыі

Выбар рэдакцыі

Грамадства

Прыродныя антыбіётыкі: Лекі, якія дапамагаюць перамагчы інфекцыю і ўмацоўваюць ахоўныя ўласцівасці арганізма

Прыродныя антыбіётыкі: Лекі, якія дапамагаюць перамагчы інфекцыю і ўмацоўваюць ахоўныя ўласцівасці арганізма

У адрозненне ад «хімічных антыбіётыкаў», прыродныя лекі не толькі дапамагаюць перамагчы інфекцыю, але і ўмацоўваюць ахоўныя ўласцівасці арганізма.

Калейдаскоп

Усходні гараскоп на наступны тыдзень

Усходні гараскоп на наступны тыдзень

СКАРПІЁН. На гэтым тыдні традыцыйны падыход да вырашэння праблем не заўсёды будзе ўдалы.

Культура

Народная артыстка Беларусі Ніна Шарубіна: Не скупіцеся на добрыя словы!

Народная артыстка Беларусі Ніна Шарубіна: Не скупіцеся на добрыя словы!

Мы правялі ў кампаніі опернай дзівы ўсяго толькі адзін дзень, але так і не змаглі разгадаць яе таямніцу: дзе ж хаваецца ў яе сутках 25-я гадзіна?

Грамадства

Інтэрвальнае галаданне: чаканні і рэальнасць

Інтэрвальнае галаданне: чаканні і рэальнасць

Сваім вопытам з чытачамі «Звязды» дзеліцца вядомая беларуская тэлевядучая Марыя Лемешава