Вы тут

Як парламентарыі, ветэраны і вядомыя артысты з краін СНД разам чытаюць вершы пра вайну


Да 75-годдзя Перамогі Міжпарламенцкая Асамблея СНД запусціла спецыяльны праект «Радкі памяці» — серыю ролікаў з паэтычнымі відэапасланнямі ад краін Садружнасці. У кожным з ролікаў вершы нацыянальных паэтаў, якія прысвечаны вайне, разам з парламентарыямі чытаюць ветэраны, вядомыя пісьменнікі, музыканты, спартсмены, журналісты і студэнты дзевяці краін Садружнасці. Далучыцца да гэтага праекта можа кожны.


Ініцыявала яго Маладзёжная парламенцкая асамблея краін СНД, а падтрымала старшыня Савета Міжпарламенцкай асамблеі краін — удзельніц СНД, Старшыня Савета Федерацыі Федэральнага Сходу Расійскай Федэрацыі Валянціна Мацвіенка, паведамляе прэс-служба МПА. Да ініцыятывы далучыліся парламентарыі, прадстаўнікі старэйшага пакалення, вядомыя навукоўцы і зоркі шоу-бізнесу Азербайджана, Арменіі, Беларусі, Казахстана, Кыргызстана, Малдовы, Расіі, Таджыкістана і Узбекістана.

Ад нашай краіны ў праекце паўдзельнічалі старшыня Мінскай гарадской арганізацыі ветэранаў Анатоль Адоньеў, дэпутат Палаты прадстаўнікоў Марына Васько, алімпійскі чэмпіён, член Маладзёжнай міжпарламенцкай асамблеі дзяржаў — удзельніц СНД у 2018—2019 гадах Аляксандр Багдановіч і студэнтка БДПУ імя Максіма Танка Кацярына Дзябёлая. Разам яны прачыталі ўрывак з верша Аркадзя Куляшова «На Мінскай шашы», які быў напісаны ў 1941 годзе.

Дарэчы, паглядзець усе ролікі можна на сайце МПА СНД і на старонках Міжпарламенцкай асамблеі ў сацыяльных сетках.

— Праект Маладзёжнай асамблеі невыпадкова атрымаў жывы водгук у краінах Садружнасці. У ім закладзены важныя для нашых дзяржаў каштоўнасці. Вялікі подзвіг савецкага народа, які ў найцяжэйшай барацьбе ў адзіным шэрагу атрымаў Перамогу над фашызмам, — гэта наш агульны здабытак і гонар, агульная памяць і боль, наша галоўная спадчына. Важна і тое, што «Радкі памяці» таксама дазволяць самай шырокай аўдыторыі пазнаёміцца з творчасцю нацыянальных паэтаў і даведацца аб славутых сучасніках з краін Садружнасці, — адзначыў генеральны сакратар МПА СНД Дзмітрый Кабіцкі.

Ён выказаў надзею на тое, што да праекта далучацца жыхары розных краін, у першую чаргу моладзь, і распачатая парламентарыямі СНД паэтычная эстафета памяці будзе працягвацца.

Прэв'ю: sinosfera.ru

Загаловак у газеце: Радкі памяці

Выбар рэдакцыі

Грамадства

Прыродныя антыбіётыкі: Лекі, якія дапамагаюць перамагчы інфекцыю і ўмацоўваюць ахоўныя ўласцівасці арганізма

Прыродныя антыбіётыкі: Лекі, якія дапамагаюць перамагчы інфекцыю і ўмацоўваюць ахоўныя ўласцівасці арганізма

У адрозненне ад «хімічных антыбіётыкаў», прыродныя лекі не толькі дапамагаюць перамагчы інфекцыю, але і ўмацоўваюць ахоўныя ўласцівасці арганізма.

Калейдаскоп

Усходні гараскоп на наступны тыдзень

Усходні гараскоп на наступны тыдзень

СКАРПІЁН. На гэтым тыдні традыцыйны падыход да вырашэння праблем не заўсёды будзе ўдалы.

Культура

Народная артыстка Беларусі Ніна Шарубіна: Не скупіцеся на добрыя словы!

Народная артыстка Беларусі Ніна Шарубіна: Не скупіцеся на добрыя словы!

Мы правялі ў кампаніі опернай дзівы ўсяго толькі адзін дзень, але так і не змаглі разгадаць яе таямніцу: дзе ж хаваецца ў яе сутках 25-я гадзіна?

Грамадства

Інтэрвальнае галаданне: чаканні і рэальнасць

Інтэрвальнае галаданне: чаканні і рэальнасць

Сваім вопытам з чытачамі «Звязды» дзеліцца вядомая беларуская тэлевядучая Марыя Лемешава