Вы тут

Каго чакае меншае пакаранне?


Сенатары пагадзіліся з Законам «Аб амністыі», прымеркаваным да 75-годдзя Перамогі ў Вялікай Айчыннай вайне. Здавалася б, што ў ім можа быць новага? Аналагічныя законапраекты разглядаюцца штогод, але навацыі ёсць.


Дэпутаты Палаты прадстаўнікоў папярэдне разгледзелі законапраект у двух чытаннях і прынялі яго. Наступны крок — ухваленне з боку членаў Савета Рэспублікі.

Законапраект сенатарам прадставіў міністр унутраных спраў Юрый КАРАЕЎ, які паведаміў, што, па папярэдніх звестках, ад рознага віду пакаранняў будуць вызвалены 5372 асуджаныя, у тым ліку з месцаў пазбаўлення волі — 1985 чалавек, з выпраўленчых устаноў адкрытага тыпу — 727, з крымінальна-выканаўчых інспекцый — 2660.

Акрамя таго, плануецца скараціць тэрмін пакарання 6400 асуджаным.

Як расказаў журналістам старшыня Пастаяннай камісіі па заканадаўстве і дзяржаўным будаўніцтве Сяргей СІВЕЦ, закон аб амністыі — прагрэсіўны крок наперад на шляху ўдасканалення крымінальна-прававой палітыкі дзяржавы.

— Навацыяй з'яўляецца тое, што да катэгорыі такіх асоб нароўні з грамадзянамі, якія і раней траплялі пад амністыю (а гэта інваліды І і ІІ груп, анкахворыя і ВІЧ-інфіцыраваныя, непаўналетнія, цяжарныя жанчыны, адзінокія матулі ці бацькі, якія выхоўваюць дзяцей ва ўзросце да 18 гадоў і іншыя) дадаецца шэраг іншых людзей, якія раней не ўваходзілі ў лік тых, хто мае права на амністыю, — паведаміў сенатар.

Ён растлумачыў, што на год будзе скарочана пакаранне ў выглядзе пазбаўлення волі асобам, якія здзейснілі карупцыйныя злачынствы.

Нагадаем, у папярэдняй амністыі, якая была год таму, гэтая катэгорыя асоб не трапіла ў спіс тых, хто мог на яе разлічваць.

Суразмоўнік прывёў яшчэ адзін прыклад паслаблення пакарання: непаўналетнія асуджаныя па справах, звязаных з распаўсюджваннем наркатычных сродкаў (па частцы 4 і 5 артыкула 328 Крымінальнага кодэкса) таксама атрымалі права на амністыю — скарачэнне тэрміну пазбаўлення волі на год.

— І гэта таксама з'яўляецца прагрэсіўным крокам у частцы распаўсюджвання закона аб амністыі на шырэйшае кола суб'ектаў, — падкрэсліў Сяргей Сівец.

На думку старшыні профільнай камісіі, цяперашні закон прагрэсіўны і ў тым сэнсе, што не толькі рэгламентуе пазбаўленне ад крымінальнай адказнасці і пакарання, але і разглядае пытанні рэсацыялізацыі, рэабілітацыі і адаптацыі грамадзян, вызваленых з месцаў пазбаўлення волі. У прыватнасці, мясцовым органам улады даручана правесці комплекс бытавых, сацыяльна-адукацыйных, медыцынскіх мерапрыемстваў, звязаных з вяртаннем амнісціраваных грамадзян у соцыум, наданнем ім магчымасці цалкам рэабілітавацца і не вярнуцца зноў на шлях злачынства.

Між іншым, як паведаміў міністр унутраных спраў Юрый Караеў, амністыя не распаўсюджваецца на асоб, у адносінах да якіх у перыяд 2015—2020 гадоў прымяняліся амністыя ці памілаванне і якія зноў учынілі наўмыснае злачынства ў перыяд непагашанай судзімасці, якія цалкам не пакрылі матэрыяльную шкоду, на злосных парушальнікаў парадку адбывання пакарання, а таксама тых, хто дапусціў асабліва небяспечны рэцыдыў злачынства, і некаторых іншых.

Прэв'ю: nash-dom.info

Выбар рэдакцыі

У свеце

Барацьба з эпiдэмiяй у Пекiне: адлюстраванне ўзроўню мунiцыпальнага кiравання

Барацьба з эпiдэмiяй у Пекiне: адлюстраванне ўзроўню мунiцыпальнага кiравання

Да Кiтая ўвага ўсёй сусветнай супольнасцi прыкавана з розных прычын.

Грамадства

Кампазiтар Алег Елiсеенкаў: У нас з жонкай усё агульнае — i радасцi, i нягоды, i грошы

Кампазiтар Алег Елiсеенкаў: У нас з жонкай усё агульнае — i радасцi, i нягоды, i грошы

Са сваёй жонкай аўтар папулярных песень знаёмы амаль паўстагоддзя.

Грамадства

Збiраемся ў школу. У жнiўнi адна з галоўных задач мам i татаў — «экiпiроўка» дзяцей да 1 верасня

Збiраемся ў школу. У жнiўнi адна з галоўных задач мам i татаў — «экiпiроўка» дзяцей да 1 верасня

Першае i галоўнае правiла — яшчэ дома вызначыцеся з тым, што вам трэба.