Вы тут

Мнагалетнікі будуць складаць амаль палову мінскіх кветнікаў


З вясной прыходзіць не толькі цяпло, але і час традыцыйнага добраўпарадкавання вуліц, жылых двароў, сквераў і паркаў. Мы ж даведаліся, што сёлета плануюць зрабіць у сталіцы.


Летнія кветкі на вуліцах Мінска пачалі з'яўляцца зусім нядаўна (нізкая тэмпература ноччу не дазваляла пасадзіць іх раней).

— Кожны год нашы супрацоўнікі высаджваюць больш за два мільёны летніх кветак. Сёлета мы працягнем павялічваць колькасць мнагалетнікаў у афармленні клумбаў, — кажа кіраўнік службы па добраўпарадкаванні і захаванні аб'ектаў зялёнай гаспадаркі УП «Мінскзелянбуд» Анжаліка ПУЗАНКОВА. — У гэтыя кампазіцыі дададзім хваёвыя кусты. Новыя ўпрыгожванні з'явяцца і ў Сендайскім скверы ў выглядзе мнагалетнікаў — яны парадуюць нават зімой. А да 75-годдзя Перамогі ў кожным раёне горада з'явяцца тэматычныя кветнікі.

Напрыклад, у Маскоўскім раёне яны знаходзяцца каля мемарыяла «Памяць» на праспекце Дзяржынскага і каля раённай адміністрацыі, а ў Цэнтральным — на скрыжаванні праспектаў Пераможцаў і Машэрава, на праспекце Пераможцаў каля «Атланта» і на праспекце Незалежнасці каля Палаца прафсаюзаў. Наогул, да Дня Перамогі спецыялісты «Мінскзелянбуда» пачалі рыхтавацца яшчэ восенню: у горадзе было высаджана 300 тысяч цыбульных кветак, якія ўжо зараз упрыгожваюць сталічныя вуліцы, паркі і скверы.

Што ж датычыцца мнагалетнікаў, то яны будуць складаць амаль палову мінскіх кветнікаў. На праспекце Незалежнасці каля Белдзяржцырка з'явіцца абсалютна новая кампазіцыя з ружовых ружаў, шалфею і кустоў лімоннага колеру. Спецыяліст адзначае, што ў азеляненні Мінска таксама будуць працягваць выкарыстоўваць і збожжавыя культуры — міскантус кітайскі, малініі і аўсяніцы. Іх будуць аб'ядноўваць у кампазіцыі з эхінацэяй і пажарніцай.

Што ж датычыцца жылых двароў, то ў 2020 годзе ў Мінску на іх тэрыторыі з'явіцца 6 тысяч 810 новых дрэў і 25 тысяч 960 кустоў. Дарэчы, за вясновы месячнік ужо было высаджана 6551 дрэва і 16 603 кусты. Акрамя гэтага, у горадзе адрамантуюць 28 тысяч адзінак новага абсталявання для дзіцячых пляцовак і малых архітэктурных форм (гэта могуць быць лаўкі, урны).

— Мы плануем зрабіць бягучы рамонт 580 прыдамавых тэрыторый і 12 пляцовак для выгулу сабак, плануем капітальна адрамантаваць 12 жылых двароў, — тлумачыць намеснік генеральнага дырэктара па добраўпарадкаванні, санітарным утрыманні жыллёвага фонду і рабоце з насельніцтвам Мінскай гарадской жыллёвай гаспадаркі Анастасія ВАРАБ'ЁВА. — Як правіла, падчас капітальнага рамонту прыводзяць у парадак пешаходныя сувязі, мяняюць абсталяванне дзіцячых пляцовак, малыя архітэктурныя формы і ствараюць для грамадзян безбар'ернае асяроддзе.

Валерыя КІСЛАЯ, фота дадзена УП «Мінскзелянбуд»

Загаловак у газеце: Сталічныя кветкі

Выбар рэдакцыі

Грамадства

Гродзенскі заапарк без страт выходзіць з зімоўкі і рыхтуецца да новага сезона

Гродзенскі заапарк без страт выходзіць з зімоўкі і рыхтуецца да новага сезона

Літаральна нядаўна з'явіўся і першы ў гэтым годзе прыплод.

Грамадства

Анёл па імені Алена. Як прадпрымальніца стала сацработнікам

Анёл па імені Алена. Як прадпрымальніца стала сацработнікам

Сацыяльны работнік тэрытарыяльнага цэнтра сацыяльнай абароны насельніцтва Маскоўскага раёна Мінска Алена Сцепаненка працуе на сваім месцы каля двух гадоў.

Эканоміка

Магілёўскі прадпрымальнік — пра вытворчасць на перыферыі і адказнасць перад сабой і людзьмі

Магілёўскі прадпрымальнік — пра вытворчасць на перыферыі і адказнасць перад сабой і людзьмі

Сідаравічы — невялікі аграгарадок паміж Магілёвам і Быхавам. Менавіта тут знаходзіцца вядомая ў Магілёўскім раёне фермерская гаспадарка Сяргея Куцанава.

Грамадства

Ігар Карпенка: Адукацыя — гарант сацыяльнай стабільнасці ў грамадстве

Ігар Карпенка: Адукацыя — гарант сацыяльнай стабільнасці ў грамадстве

Аб прыярытэтах у адукацыі, вопыце работы ва ўмовах пандэміі каранавіруса і ідэалагічным складніку ў выхаванні мы задалі пытанні міністру адукацыі нашай краіны Ігару Карпенку.